کوئٹہ۔16 اپریل ( اے پی پی )بلوچستان اسمبلی ءِ دیوان دوشمبے ءَ سپیکر راحیلہ حمید خان درانی ءِ سروکی ءَ بندات بوت، دیوان ءَ جمعیت علماء اسلام ءِ صوبائی اسمبلی ءِ باسک سردار عبدالرحمان کھیتران پاک اوگان بارڈر ءِ سرءَ سیکورٹی فورسز ءِ کارندہ آنی شہید بوھگ ءُُ عیسٰی نگری ءَ دو مردم آنی بیرانی ءِ پد ءَ سپیکر ءَ چہ دعا کنائینگ ءِ دزبندی کت، ایشی ءَ پد کورم سرجم نہ بوھگ ءِ واستہ گھنٹی جنگ بوت اَنت ایشی ءَ چہ پد سپیکر ءَ 15ملنٹ ءِ واستہ دیوان مھتل داشت پدا ھم کورم سرجم نہ بوت سپیکر ءَ دیوان پنچ شمبے ءِ نیم روچ 4 بج ءَ تاں مھتل داشت، مرچیگیں دیوان ءَ کسانیں زھگ آنی آروس دیگ ءِ ھوالگ ءَ کانود ءُُ لاہور ءَ جسٹس اعجاز الاحسن ءِ گس ءِ سر ءَ تیر گواری ءِ بابت ءَ مذمتی منوگری ھوار اَتنت۔
