اسلام آباد ۔16اپریل (اے پی پی)بلوچ رابطہ اتفاق تحریک (برات) ءِ سروک ءُُ پیسریگیں بُنجاھی وزیر پرنس محی الدین بلوچ ءَ گوشت کہ جمہوری حکومت الس ءَ را بنیاتی آسراتی ءُُ روزگار ءِ پُجاری ءَ دروری کرد پیلو بکنت، بلوچستان ءَ چہ چیئرمین سینیٹ ءِ اُگدھ ءِ سرءَ بوھگ ءَ وشیں گپ ات، پشت کپتگیں صوبگ آناں ڈلگچار کنان ءَ آیوکیں الیکشن ءَ ملک ءَ مزن وزیر ءِ گچین بوھگ ھم صوبہ بلوچستان ءَ چہ بہ بیت۔ دو شمبے ءَ یک بیانے ءِ تتہ ءَ آئی ءَ گوشت کہ پاکستان ءَ الیکشن ءَ ساپیں ءُُ پلگاریں سروکی ءِ ضلورت اِنت ءُُ بے داگیں ءُُ ایمانداریں مردم آناں ملک ءِ ازمت ءِ موہ دیگ لوٹ ایت تانکہ بلوچستان ءَ پشمندگی ءُُ زھبری ھلاس بہ بیت۔ آئی ءَ گوشت کہ پاکستان ءَ جوڑ بوھگ ءِ 700سال گوستگ بلے بلوچستان ءَ جوانیں مٹی نہ اتکگ۔ گوادر پورٹ ءِ تران ءَ کنان ءَ آئی ءَ گوشت کہ پورٹ ءِ سر ءَ دُرستاں چہ زیات بلوچستان ءِ ورنا آنی ھک اِنت، بلوچستان ءِ ورنا تکنیکی ءُُ ایندگہ شوبگ آنی تہ ءَ ھاسیں زانشت دیگ بہ بیت ءُُ آوانی کمک زورگ بہ بیت۔
