مزن وزیر شاہد خاقان عباسی ءِ میاں اوستمانی جا ن سلامتی روچ ءِ درگ ءَ برجم داشتگیں دیوان ءَ گشتانک

حکومت الس ءَ را جان سلامتی ءِ آسراتی پُجاری ءِ واستہ جزمیگ اِنت، پولیو ءُُ سیاھیں تپ ءِ ھلاسی ءَ ھوار ایندگہ جان سلامتی یے جاڑیگیں پراگرام آنی واستہ توامیں ضلوری آسراتی پُجاری کنگ ءَ اِنت
اسلام آباد ۔ 13 اپریل (اے پی پی) مزن وزیر شاہد خاقان عباسی ءَ گوشت کہ حکومت الس ءِ جان سلامتی ءِ پُجاری ءِ واستہ جزمیگ اِنت ءُُ پولیو، ساھیں تپ ءِ ھلاسی ءَ ھوار ایندگہ جان سلامتی پڑ ءِ جاڑیگیں پروگرام آنی واستہ توامیں ضلوری آسراتی پُجاری کنگ ءَ اِنت۔ استیں آسراتی آنی کارمردی ءَ ابید وانگ ءُُ زانگ ، جان سلامتی ءُُُ چاگردی دیمروئی حکومت ءِ اولی ترجی اِنت۔ آئی ءَ اے گپ وزارت ءِ جان سلامتی ءُُ میاں اوستمانی ادرگ ءِ جان سلامتی ءِ چیر دستی ءَ آدینگ ءِ روچ ءَ میاں اوستمانی جان سلامتی ءِ ھوالگ ءَ برجم داشتگیں دیوان ءَ گشتانک دیان ءَ کت۔ مزن وزیر ءَ گوشت کہ حکومت ءِ کوشست آنی مول ءُُ مراد الس ءِ جان سلامتی ءِ برز ءُُ بالائی ءُُ ازمت ءِ پُجاری کنگ اِنتت۔ آئیءَ اگوشت کہ نوکیں پاکستان ءِ الس ءُُ دیمروئی پارٹنر آناں دل یکیمی دیگ لوٹ ایت کہ ما دُرستانی واستہ جان سلامتی ءِ ھد ءُُ ابیل آنی در جنگ ءِ واستہ جزمیگ آں۔ آئی ءَ گوشت کہ ڈرگ ریگرلیٹری اتھارٹی آف پاکستان ءُُ پاکستان میڈیکل اینڈ ڈینٹل کونسل ءَ کتگیں کار ءُُ لائک ءِ دل یکیمی ڈیٹا ءِ واستہ ڈیش بورڈ ءِ برجائی ءِ ھم تران کت۔ مزن وزیر ءَ میاں اوستمانی ڈونرز ءِ کرد ءِ بابت ءَ ھوالگ دیان ءَ گوشت کہ بل اینڈ ملنڈا گیٹس فاؤنڈیشن پاکستان ءِ رکھینگی ٹُکہ ءِ پروگرام آنی تہ ءَ ٹوھیں کمی کنگ ءَ اِنت۔ آئی ءَ گ وشت کہ رکھینگی جان سلامتی ءِ سر ءَ دلگوشی کنگ لوٹ ایت تانکہ ہسپتال آنی سر ءَ بار کم بہ بیت۔ شاہد خاقان عباسی ءَ گوشت کہ زھگ آنی وردن ءُُ وراک ءِ کمی ءُُ سٹنٹنگ ءِ جیڈھ سک ھرابیں رنگ ءَ دیم ءَ سہرا بوھگ ءَ اِنتت، ما زیات مالیاتی زرّ گیشینتگ ءُُ اے جیڈھ ءَ را کمتر کتگ۔ آئی ءَ اے جیڈھ آنی گیواری توامیں ضلوری گامگیج چست کنگ ءِ جزم ءِ درشان کت۔ آئی ءَ گوشت کہ مردم آناں نادُراھی ءَ چہ رکھینگ ءُُ ایشی ءَ چہ بچارینگ ءِ ھاترا گیشاں گیش سرپدی پُجاری کنگ لوٹ ایت۔ مارا جوانیں ریگولیشن ءُُ وتی میڈیکل وانگ ءُُ زانگ ءِ بُرز ءُُ بالائی ءَ را گہتر جوڑ کنگ ءِ ضلورت اِنت۔