مظفر آباد ۔ 13 اپریل (اے پی پی) مزن وزیر شاہد خاقان عباسی ءَ گوشت کہ کار کنوکیں مردم آمید گسی سیاست ءَ چہ ڈن در کنت، اے ملک ءِ بد بھتی اِنت کار کنوکیں مردم آناں آمید گس ءَ گران کنگ بیت، ایشی ءَ چہ ملک ءِ سیاسی سروک آنی شرپ ءُُ ازت اِچ پشت نہ کپ ایت، آھودا دیمروئی سک گران اِنت، الس آیوکیں گچین کاری ءَ ھرچی پیسلہ کن اَنت قبول اِنت، ملک ءَ 65سال آنی تہ ءَ اینکیاس دیمروئی نہ کتگ ھمینکیاس کہ گوستگیں پنچ سال آنی تہ ءَ کتگ اِت، ما ایوک ءَ گپ نہ جتگ کار کتگ ءُُ پیش داشتگ، مئے حکومت جیڈھ آنی گیواری ءَ زانت ءُُ گیوار کنگ ءُُ پیش دارگ ءَ اِنت، اگاں گوستگیں حکومت ءَ اینکیاس دیمروئی بُکت اِنت، سک شر اَت ما ایوک ءَ گپ جتگ، مئے حکومت جیڈھ آناں گیوار کنگ زانت ۔ اِچ حکومت ءَ دو ہزار میگاواٹ توان ءِ جوڑیشت نہ کتگ، ما 10ہزار میگاواٹ توان پیداک کتگ ءُُ پیش داشتگ۔ آئی ءَ اے گپ آدینگ ءِ روچ ءَ نیل، جہلم منصوبگ ءِ اولی یونٹ ءِ بنگجی مراگش ءَ گشتانک دیان ءَ کت۔ مزن وزیر ءَ گوشت کہ نیلم جہلم ہائیڈرو پراجیکٹ پاک چین دوستی ءِ شاھوکاریں منصوبگ اِت۔ آئی ءَ گوشت کہ اے منصوبگ ءِ جوڑیشت ءَ سک باز چیلنجز آنی گوما دیم پہ دیمی کنگ کپ ایت۔ آئی ءَ اے منصوبگ ءَ بھر زوروک ءُُ وتی کرد ءَ را پیلو کنوکیں ادارگ ءُُ ایشی ءِ توک ءِ مردم آناں مبارکی دات۔ آئی ءَ گوشت کہ مرچی اے موہ ءِ سر ءَ صدر ءُُ مزن وزیر آزات کشمیر ءِ ساڑی بوھگ ءِ ساھت ءَ کشمیری الس ءِ جہد ءُُ کوشست ءُُ اے منصوبگ ءِ واستہ ایشی ءِ کربانی آناں ستا ءُُ توسیپ پیش کت آئی ءَ گوشت کہ کشمیری الس ءِ کربانی اچ چیر اندر نہ اَنت۔ آئی ءَ گوشت 70سال آں چہ ما کشمیر ءِ لیکہ ءَ را سہرا کنگ ءَ آں، ما اقوام ءِ متحدہ ءِ سلامتی کونسل ءِ منوگری آنی رد ءَ کشمیر ءِ جیڈھ ءِ گیواری ءَ لوٹ آں۔ آئی ءَ گوشت کہ بھارت ءِ گولہ باری ءِ پسو ءَ ما دیاں ءُُ سرجمیں دُگنیا ءَ چہ امیت دار آں کہ لٹ ءُُ لٹ کاری ءَ را ھلاس کنگ ءَ وتی کرد ءَ پیلو بکن ات۔ مزن وزیر ءَ گوشت کہ نیلم جہلم ہائیڈرو پاور منصوبگ استیں حکومت ءَ را پت پیرک آں چہ رستگ۔ 2008ءَ اے پراجیکٹ بندات بوتگ، 2013ءَ وھد ءِ مئے حکومت اتکگ گڈا اے پراجیکٹ سک باز مشکل آنی آماچ بوتگ ایشی ءِ سرءَ ایوک ءَ 10یا 12درسد کار بوتگ۔ اے رنگیں چیلنج بوتگ کہ اولی میٹنگ بوتگ اے امیت نہ بوتگ اے پراجیکٹ سرجم بیت۔ آئی ءَ گوشت کہ منا سک باز وشی بوتگ کہ واپڈا ءِ سر ءَ کہ ھما دل یکمی بوتگ ایشی ءِ سر ءَ سرجمیں دل یکیمی اِنت ھما سوگند گوں اے منصوبگ ءِ ھوالگ ءَ کتگ آ سرجم پیلو کتگ آں۔ مزن وزیر ءَ گوشت کہ راج ھما مردم آناں یات کنت ھما کہ آوانی واستہ کار کن اَنت۔ ادا ھما مردم کہ کار کن اَنت، ایشی ءَ را آمید گس سیاست ءَ چہ ڈن در کنت، مرچی پدا یک پیسلہ ءِ اتکگ۔ آئی ءَ گوشت کہ اے ملک ءِ بد بھتی اِنت کہ ھما مردم کار کنت ایشی ءَ را آمید گس ءَ گران کنگ بیت، ھما ملک ءَ سیاست کنوک ءِ اِچ شرپ کنگ مہ بیت ایشی ءِ تہ ءَ دیمروئی مشکل بیت۔ آئی ءَ گوشت کہ پاکستان ءِ الس آیوکیں لس گچین کاری ءَ ھما پیسلہ کنگ اَنت آئی ءَ را ما سر ءُُ چماں دار آں بلے ھما کہ رچ بندات بوتگ کہ ما وتی سروک آنی اچ شرپ ءَ نہ کن اَنت اے لائک ءِ منگی نہ اَنت ، اے رچ نوں ھلاس بہ بیت۔ اے موہ ءِ سر ءَ صدر آزات کشمیر سردار مسعود خان، مزن وزیر آزات کشمیرر اجہ فاروق حیدر، وزیر ءِ مملکت برائے اھوالکاری ءُُ شنگ کاری مریم اورنگزیب ءُُ ٹوھیں تک ءِ سرکاری کارندہ اے موہ ءِ سر ءَ ساڑی اتنت۔
