اسلام آباد۔ 12 اپریل (اے پی پی) پاکستان ءَ بھارتی شتلئی آناں سارک سروک دیوان ءِ مھتلی ءِ زمہ وار نامینان ءَ گوشت کہ سارک سمٹ ءِ واستہ مئے تیاری سرجم بوتگ اَنت بلے بھارتی شتلئی آنی سبب ءَ دیوان مھتل دارگ بوت، پاکستان سارک سمٹءِ زوت برجائی ءِ واستہ تیار اِنت، بھارتی گامگیج آں پڑ ءِ دیمروئی ءُُ اقتصادی دیمروئی آناں آھوار جتگ، پاکستان وت مہ وتی جیڈھ آناں یکجائی فورمز آنی سر ءَ آرگ ءِ کوشست ءَ را ایراد گپت، کشمیر ءِ جیڈھ ءِ گیواری ءَ تاں ساکمیں دل ءَ نہ نند آں، مزن وزیر ءِ کابل ءِ تر ءُُ تاب سیت ایگ بوتگ ءُُ مقبوضہ کشمیر ءَ استیں بھارتی ظلم ءِ ھوالگ ءَ وزیر ءِ درئی کار خواجہ آصف ءَ ایران ءُُ ترکی ءِ درئی کارانی وزیر ءُُ سیکرٹری جنرل او آئی سی ءَ گوں رابطہ کتگ۔ پنچ شمبے ءِ روچ ءَ درئی کارانی جارچین ڈاکٹر محمد فیصل ءَ بیجنگ ءَ چہ سکائپ ءِ وسیلگ ءَ یک شل ءَ پریس بریفنگ ءِ ساھت ءَ گوشت کہ پاکستان مسئلہ کشمیر ءَ را نمیران دار ایت، کشمیر ءِ کوھنیں جیڈھ ءِ ایمنی ءَ گیواری ءِ واستہ مئے کوشست جاڑی اَنت، ما اے جیڈھ ءَ را میاں اوستمانی تک ءَ چست کن آں۔ مقبوضہ کشمیر ءَ استیں بھارتی ظلم ءُُ زوراکی ءِ بابت ءَ جارچین ءَ گوشت کہ اے رد ءَ وزیرر ءِ درئی کار خواجہ آصف ءَ ایران ءُُ ترکی ءِ وتی ھمگرنچیں منصوبگ آں گوں رابطہ کت وھدیکہ اقوام ءِ متحدہ ءِ سیکرٹری جنرل ءُُ او آئی سی ءِ نیمگ ءَ ھم اے رد ءَ بیان جاڑی بوت اَنت ءُُ آئی ءَ بے کسوریں کشمیری آنی کوشگ ءَ را ایراد گپت۔
