اسلام آباد۔ 12 اپریل (اے پی پی)نامداریں پاکستانی امریکی جاھمنندیں بامرد ءُُ امریکی صدر ءِ شور ءُُ سلاھی بورڈ ءِ باسک ڈاکٹر غلام مجتبیٰ ءَ گوشت کہ پاکستان زرّبای، نیامی ایشیا ءُُ رودراتکی نیامجی ءَ تاں گیٹ وے ءِ بستار ءَ دار ایت، پاکستان ناشرکار آنی جوڑیشت کار نہ اِنت، ایشی ءَ گوں مقابلہ کنگ ءَ انت، میاں اوستمانی برات آناں ناشرکایری ءُُ جنگ ءُُ چوپ ءِ ھلاپ ءَ پاکستان ءِ گوما ھمبراھ داری کنگی اِنت، پاکستان ءِ ھوالگ ءَ بھارتی لابی ءَ را منگ امریکہ واستہ سیت ایگ سہرا نہ بیت، امریکہ ءَ پاکستان ءُُ پاکستان ءَ امریکہ ءِ بابت ءَ لس لیکہ گواچنی نہ اَنت، پاکستان راجدپتر ءِ نازرکیں دور ءُُ زمانگ ءَ چہ گوزگ ءَ اِنت ءُُ پیسلہ ءِ وھد ءَ مار اسک باز سلہ ءُُ ساپی ءَ گوں کار کنگی اِنت، راستیں پیسلہ کنگ مہ بیت گڈا میاں اوستمانی پڑ ءَ ایوکی یے آماچ بوت کن آں۔ آئی ءَ گوشت کہ امریکی سروک ءُُ چاگرد ءِ دومی تبک ءَ گوں سیادی داروکیں بامرد آں گوں گند ءُُ نند ءَ مئے کلوہ ھمیش بیت کہ امریکہ ءَ بھارتی لابی پاکستان ءِ ھلاپ ءَ کار کنگ ءَ اِنت۔ اگاں امریکہ ءَ بھارتی لابی ءِ پاکستان ءِ بابت ءَ لیکہ ءَ را منگ بہ بیت گڈا ایش امریکہ ءِ سیت ءَ نہ بیت۔
