اسلام آباد۔ 11 اپریل (اے پی پی) بُنجاھی وزیر وانگ ءُُ زانگ ءُُ کزبی ھیل کاری انجینئر محمد بلیغ الرحمن ءَ گوشت کہ حکومت ملک ءَ جوانیں وانگ ءُُ زانگ ءِ دیمروئی ءِ واستہ جزمیگ اِنت۔ آ چار شمبے ءِ رودچ ءَ ایپام ءَ ’’غیر رسمی ‘‘ زانشتی مینجمنٹ انفارمیشن سسٹم ءِ ’’ویب‘‘ تنج ءِ بنگیجی مراگش ءَ گشتانک دیان ءَ کنگ ءَ ات۔ آئی ءَ گوشت کہ حکومت وانگ ءُُ زانگ ءِ تہ ءَ گہتری ءِ واستہ جزمیگ اِنت ءُُ ملک ءَ زانت ءُُ زانتکاری پڑ ءَ را گہتر کنگ لوٹ ایت۔ آئی ءَ جاپان ءِ میاں اوستمانی کمکی ادارگ جائیکا ءِ کمک ءَ چہ ’’ غیر رسمی‘‘ زانشتی مینجمنٹ انفارمیشن سسٹم ءِ ’’ویب‘‘ تنج ءِ جوڑ کنگ ءِ رد ءَ ایپام ءِ توسیپ کنان ءَ گوشت کہ ایپام نوں سرجمیں رنگ ءَ کار کنگ ءَ انت۔ آئی ءَ گوشت کہ ’’غیر رسمی‘‘ زانشت ءِ ھوالگ ءَ ڈیٹا سک باز المی اِنت ءُُ اے سہرا کنگ کہ ’’غیر رسمی‘‘ زانشت ءِ شوبگ ھم دیم ءَ جنزگ ءَ اِنت۔
