لاہور۔11 اپریل(اے پی پی )وزارت ءِ اھوالکاری ءُُ شنگ کاری ءُُ راجی ءُُ ادبی مڈی ءِ چیر دستیسد ءَ ’’سٹرٹیجک کمیونیکیشن‘‘ ءِ بُن گپ ءِ سر ءَ دو روچی ٹریننگ ورکشاپ ءِ چار شمبے ءِ روچ ءَ نیشنل سکول آف پبلک پالیسی لاہور ءَ گڈ کنگ بوت، دو روچی ورکشاپ ءَ کلانہ ایں اپسرگ آنی دلپروشی سبب ءِ ساھت ءَ میڈیا ءَ گپ ءُُ تران ءُُ اھوالکاری پُجاری ءَ ھوار علم ءُُ دانش ءِ تہ ءَ گیشی یے ھیل کاری پُجاری کنگ بوت، ھیل کاری ورک شاپ ءَ اپسرگ آناں گوشگ بوت کہ واکیات ءُُ کدرتی بلاھ ءُُ آپت ءِ جاور ھال آنی تہ ءَ میڈیا ءَ چوں ءُُ چتور راستیں اھوال آنی پُجاری کنگ لوٹ ایت ءُُ اے رنگیں جاور آنی تہ ءَ میڈیا ءِ کرد ءَ را چوں بوھگ ءُُ پھمگ لوٹ ایت، ھیل کاری ورکشاپ ءَ کزبی ازمکاری داروکیں میڈیا ءِ نماھندگ ءُُ کلانہ ایں رسانک در آں بھر زوری کت ءُُ ورکشاپ ءِ تہ ءَ میڈیا ءِ بابت ءَ ٹریننگ دات۔ اے ھیل کاری ورکشاپ بُنجاھی وزارت اھوالکاری ءُُ شنگ کاری ادارگ پاکستان پیس کولیکٹو ءِ نیمگ ءَ پنچمی ھیل کاری ورکشاپ اتت کہ اسٹاف کالج لاہور ءَ برجم دارگ بوت۔
