اسلام آباد۔ 11اپریل (اے پی پی) ملک ءِ صدر ممنون حسین ءَ وانگءُ زانگی ادارگاناں نوکیں لوٹاں گوں ھم دپ کنگءَ ءُ وانگءُ زانگی پڑ ءِ تہا کمی نہ کنگ ءِ ضلورت ءَ پدر کتگءُ آئیءَ گشتگ کہ راجانی دیمروئی ءُ وشھالی ءِ تہا وانگءُ زانگءَ را اولی ارزشت ھاسل اِنت، وانگءُ زانگی ادارگ آنی زمہ واری اِ نت کہ نوکیں علمءُ زانت ءَ را وش اَتک کنگءَ ساڑی بہ بنت، پٹءُ پولءِ سرءَ دلگوشی کنگ بہ بیت۔ آئی ءَ اے گپک چارشمبے ءِ روچءَ ورچوئل یونیورسٹی ءِ 9می کانووکیشن ءَ گوں تران کنانءَ کتگ۔ ملک ءِ صدرءَ راجانی دیمروئی ءُ وشھالی ءِ تہا وانگءُ زانگ ءَ را سک باز ارزشت داریت، اے ھاترءَ المی اِنت کہ وانگءُ زانگ ادارگاناں نوکیں دورءِ لوٹاں گوں ھم دپ کنگ بہ بیت ءُ آھاں وانگءُ زانگ ءُ پٹءُ پولءِ ھوالگءَ دراھیں آسراتی دست بہ کپ اَنت۔
