اسلام آباد ۔ 11 اپریل (اے پی پی) پاک بحریہ ءِ سروک ایڈمرل ظفر محمود عباسی ءَ گوں بلوچستان ءِ سروزیر میر عبدالقدوس بزنجو ءَ نیو ل ھیڈ کوارٹر اسلام آباد ءَ گند ءُُ نند کت ایشی ءِ تہ ءَ وت مہ وتی یکوئی واھگی کار آں ھوار سی پیک ءُُ گوادر دکہ ءِ سیکورٹی ءِ سر ءَ ھیال ریچی کنگ بوت۔ جارچین پاک بحریہ ءِ رد ءَ پاک بحریہ ءِ سروک ایڈمرل ضفر محمود عباسی ءَ گوادر دکہ ءُُ ایشی یے زرّئی کشک آنی سر ءَ سیکورٹی ءَ را دل یکیمی جوڑ کنگ ءِ واستہ پاک بحریہ ءِ نیمگ ءَ کتگیں گامگیج آنی بابت ءَ سر وزیر بلوچستان ءَ را سر پد کت۔ نیول چیف ءَ مکران تیاب دپ ءَ نندوکیں بلوچ آباتی آنی زندمانی آسراتی ءِ گہتری ءِ واستہ چست کتگیں پاک بحریہ ءِ گامگیج ءُُ کوشست آنی سرءَ چمشانک دات۔ سر وزیر بلوچستان ءَ سی پیک ءُُ گوادر دکہ ءِ رکھینگ ءِ رد ءَ پاک بحریہ ءِ کرد ءَ را ساڑات ءُُ بلوچستان ءِ تیاب دپ ءَ نندوکیں مردم آنی زندمان ءِ بُرز ءُُ بالا کنگ ءَ پاک بحریہ ءِ ازمت آنی توسیپ کت۔
