اسلام آباد۔ 11 اپریل (اے پی پی) بُنجاھی وزیر توکی کار، منصوبگ بندی، دیمروئی پروفیسر احسن اقبال ءَ گوشت کہ سی پیک انفراسٹرکچر منصوبگ آنی جوڑیشت ءَ چہ پاکستانی ادارگ آنی بھر زوری دل یکیمی جوڑ کنگ بہ بیت، پاکستان ریلوے ایم ایل ون اپ گریڈیشن منصوبگ ءَ چہ ھندی صنعت ءُُ پیداوار ی ازمکاری ءَ چہ سیت زورگ بہ بیت۔ اے ھیالانی درشانی اائی ءَ چار شمبے ءِ روچ ءَ بیجنگ ءَ چائنہ ریلوے کنسٹرکشن کارپوریشن ءِ چیئرمین مینگ فینگ چاؤ ءَ گوں گند ءُُ نند ءِ ساھت ءَ کت۔ گند ءُُ نند ءِ ساھت ءَ سی پیک ءِ چیر دستی ءَ ریلوے اپ گریڈیشن ءُُ ایندگہ انفراسٹرکچر منصوبگ آنی سر ءَ چار ءُُ تپاسی گرگ بوت۔ بُنجاھی وزیر احسن اقبال ءَ گوشت کہ سی پیک انفراسٹرکچر منصوبگ آنی جوڑیشت ءَ چہ پاکستانی ادارگ آنی بھر زوری دل یکیمی جوڑ کنگ بہ بیت، پاکستان ریلوے ایم ایل ون اپ گریڈیشن منصوبگ آنی تہ ءَ ھندی صنعت ءُُ پیداواری ازمکاری ءَ چہ سیت زورگ بہ بیت۔ آئی ءَ گوشت کہ پاکستان سی پیک ءِ سرجمی ءَ چہ نیامی ایشیا، زرّباری ایشیا ءُُ چین ءِ نیام ءَ تجارتی پل ءِ کرد ءَ پیلو کنت اِنت۔
