باؤ۔10اپریل (اے پی پی) مزن وزیرشاہدخاقان عباسی ءَ گوشت کہ بھارت ءِ نیمگ ءَ کنٹرول لائن ءُُ ورکنگ باؤنڈری ءِ سر ءَ سیز فائر ءِ زانشتی رنگ ءُُ کور ءُُ کائی تیرگواری ءِ ھلاپ کنگ ءَ را اگاں دارگ نہ بوت گڈا کشاں چیل ءُُ بیم ءِ تالانی ءِ تہ ءَ گیشی بوت کنت۔ مزن وزیر ءَ اے گپ چین ءَ برجم داشتگیں باؤ فورم ءِ موہ ءَ اقوام ءِ متحدہ ءِ سیکرٹری جنرل انٹونیوگوئتریش ءَ گوں گند ءُُ نند کت۔ مزن وزیر ءَ گوشت کہ بھارت ءِ نیمگ ءَ چہ سیز فائرءِ ھلاپ کنگ ءِ تہ ءَ گیشی بوتگ ایشی ءِ سبب ءَ کودکیں شہری آنی شہید بوھگ ءِ وئیل سہرا بوھگ ءَ انت۔ مزن وزیر ءَ مقبوضہ کشمیر ءِ ھرابیں جاور ھال ءُُ بھارتی لٹ ءُُ پل کنوکیں ارد ءِ نیمگ ءَ کودکیں ءُُ بے کسوریں کشمیر آنی کوش ءِ سرءَ گرانیں دلپدردی ءِ درشان کت۔ مزن وزیر ءَ مقبوضہ کشمیر ءَ بھارتی فورسز آنی نیمگ ءَ ھما توپک ءِ کہ سر ءَ کارچ ءِ پر ایشانی کارمردی ءِ سر ءَ گرانیں دلپدردی ءِ درشان کنان ءَ گوشت کہ پاکستان اقوام ءِ متحدہ ءِ سلامتی کونسل ءِ منوگری ءُُ کشمیری الس ءِ واھشت ءُُ واھگ آنی رد ءَ کشمیر ءِ جیڈھ ءِ ساپیں گیواری لوٹ ایت۔ آئی ءَ گوشت اقوام ءِ متحدہءَ را مقبوضہ کشمیر ءَ بھارتی ظلم ءُُ زوراکی آناں سہرا کنگ ءَ وتی کرد ءَ را پیلو کنگ لوٹ ایت۔
