ٹھیل ءُ گیس ءِ پڑءَ را سی پیک ءِ ھاترءَ دراج بھریں منصوبہ ءِ تہا جوانیں ارزشت است، چینی زرکاری ءُ کمپنی جوانیں نپ ءُ سیت ءُ آسراتی دیؤکیں بجلی ءِ پڑءَ دیمروئیءِ عمل ءَ ھوار بہ بنت
مزن وزیر شاہد خاقان عباسی ءِ نیشنل انرجی ایڈمنسٹریشن آف چائنہ ءِ ایڈمنسٹریٹر نوئز بیکلے ءَ گوں گندءُ نند ءِ تہا گپءُ تران
باؤ۔10اپریل (اے پی پی ) مزن وزیر شاہد خاقان عباسی ءَ صارفین آناں ساپیں ، ارزانیں ءُ مھکمیں بنیاتانی سرءَ توانائی ءِ پھجارینگ ءِ حکومتی جزم ءِ درشانی کتگءُ گشتگ کہ ٹھیل ءُ گیس ءِ پڑآں دلگوشی دیئگ بوھگءَ اِنت انچو کہ پاک ۔ چین اقتصادی راہداری ءِ ھاترءَ دراج مدتی منصوبہءِ تہا جوانیں ارزشت حاسل اِنت۔ چینی زرکاری ءُ کمپنی جوانیں ءُ آسراتی دیؤکیں بجلی ءِ پڑآنی تہا دیمروئی ءِ عمل ءَ ھوار بہ بنت۔ آئیءَ اے گپ نیشنل انرجی ایڈمنسٹریشن ( این ای اے ) آف چائنہ ءِ ایڈمنسٹریٹر ٹوئر بیکلے ءَ گوں گپ ءُ تران کنانءَ کتگ کہ آھاں باؤ فورم ءِ موھءَ سئے شمبے ءِ روچءَ آئیءَ گوں گندءُ نند کتگ۔ مزن وزیرءَ پاکستانءِ تہا توانائی ءِ کمی ءَ راگرءُ دار کنگءَ سی پیک توانائی منصوبہ آنی کردءَ را ساڑاتگ ءُ اے ھوالگءَ چینءِ حکومت ءُ این ای اے ءِ کمک ءَ را ساڑاتگ۔ آئیءَ گشتگ کہ اے منصوبہ جوانیءَ بجلی پھجارینگءَ اَنت ءُ دوھیں نیمگاں پاکستان ءِ شمال ءَ پن بجلی ءُ جنوب ءَ ضلع تھرءَ ھندی اِشکر ءِ سرءَ جوڈ بوتگیں منصوبہ آنی سرءَ کار جاری اِنت۔ آئیءَ کراچی ءُ تھر ءَ آؤکیں پیداواری منصوبہ ءِ گوما شمال جنوب ٹرانسمیشن لائن ءِ زوت سرجمی ءِ ضلورتءِ گشتگ۔ مزن وزیر ءَ دوھیں نیمگاں چہ ءِ زانت کارانی نیامءَ تچک ءَ تچک ھیالءُ لیکہ ءِ درشانی کنگ بوتگءُ گشگ بوتگ کہ نوں نجی پڑ پیداواری استعدار ءُ ھمگرنچیں ڈھانچہ ءِ کمک ءَ چہ پاکستانی معیشت ءِ گیش کنگءَ ھاسیں کرد پیلو کنگءَ اِنت۔ انوگیں حکومتءَ مھکمیں پالیسی فریم دیمءَ آؤرتگ ۔ مزن وزیر ءَ این ای اے ءُ حکومت پاکستانءِ نیامءَ گیش مھکم کمک ءِ اُمیت ء درشانی کتگ۔آئیءَ چینی زرکارءُ کمپنی آناں جوانیں پاھدگ ءُ آسراتی ءِ گوما پاکستان ءِ بجلی ءِ پڑءَ دیمروئی ءِ عمل ءَ ھوار بوھگءِ دعوت ھم داتگ۔ دری کارانی وزیر خواجہ محمد آصف ، تہی کارانی وزیر احسن اقبال ، پاکستان ءِ سفیر مسعود خالد ءُ سینئر حکام ھم اے موھءَ ساڑی بوتگ۔
