مزن شاہ آمید گس کوئٹہ رجسٹری ءِ تہا وانگءُ زانگ، جانءُ سلامتی ءُ آپ ءِ جاورھال ءِ ھوالگءَ ھمگرنچیں وت زُرتگیں نوٹس گوشدارگ بوتگ، پیسرگیں سروزیر ڈاکٹر عبدالمالک بلوچ ءُ نواب ثناء اللہ خان زہری 30اپریلءَ اسلام آبادءَ لوٹگ بوتگ اَنت،
جوئٹہ ۔ 10اپریل (اے پی پی) چیف جسٹس آف پاکستان میاں ثاقب نثار ءَ گشتگ کہ بلوچستان ءَ وانگءُ زانگءِ جاورھال سندھءَ چہ ھراب تر اِنت ، صوبہ ءِ تہا ایچ وڑیں گورننس نیست، وانگءُ زانگءِ ھوالگءَ پالیسی جوڈ کنگءُ 15روچانی تہا پیش کنگ بہ بیت ءُ آمید گسءَ را ھال دیئگ بہ بیت کہ چنچو وھدءِ تہا سرکاری وانگ جاھ آنی جاورھال گہتر کنگ بیت۔ آئی ءَ دوسال پیسرگیں سروزیر ڈاکٹر عبدالمالک بلوچءُ نواب ثناء اللہ خان زہری ءَ را 30اپریل ءَ اسلام آبادءَ آمید گسءَ لوٹگ بوتگ۔ سئے شمبے ءِ روچءَ کوئٹہ مزن شاہ آمید گس رجسٹری ءَ بلوچستان ءَ وانگءُ زانگ ، جانءُ سلامتی ءُ آپ ءِ جاورھال ءِ ھوالگءَ وت چست کتگیں نوٹس ءِ گوشدارگءِ وھدءَ چیف جسٹس ءَ دوھیں سروزیر آناں لوٹ اِتگ بلے آ پیش نہ بوتگ اَنت۔ کیس ءِ گوشدارگءِ وھدءَ ینگ ڈاکٹر آنی جیڑھءِ سرءَ چیف جسٹس ءَ جانءُ سلامتی ءِ سیکرٹری ءَ چہ جست کتگ کہ ینگ ڈاکٹر آناں تان کدی پگار دیئگ نہ بوتگ ، ڈاکٹرآناں 24ہزار پگار دیئگ بوھگءَ اِنگ وھدے کہ مزن شاہ آمید گس ءِ ڈرائیور ءِ ھم پگار 35ہزار انت ۔ چیف جسٹس ءَ پرمان داتگ کہ ہاؤس جاب کنوکیں ڈاکٹرآناں یک ھپتگءِ تہا پگار دیئگ بہ بنت ءُ ینگ ڈاکٹر آنی جائز لوٹ پیلو کنگ بہ بنت۔چیف جسٹس ءَ جانءُ سلامتی ءِ سیکرٹری ءَ را گشتگ کہ سول نادراھ جاھءَ یک ھم ایم آر آئی مشین نیست، آمید گس جانءُ سلامتیءِ سیکرٹری ءِ کردءَ چہ سدگ نہ اِنت۔ وانگءُ زانگءِ ھوالگءَ جیڑھ ءِ گوشدارگ ءِ تہا وانگءُ زانگءِ سیکرٹریءَ آمید گسءَ را ھال داتگ کہ صوبہ ءِ 11ہزار ءَ چہ گیش پرائمری وانگ جاھ آنی تہا تنا یک ہزار وانگ جاھ آنی چار دیواری اَست اِنت وھدے کہ تنا 17سد ءِ تہا بجلی اَست۔ چیف جسٹس میاں ثاقب نثار ءَ چیف سیکرٹری بلوچستان ءُ وانگءُ زانگءِ سیکرٹری ءَ گوں گشتگ کہ آمید گسءَ راھال دیئگ بہ بیت کہ چنچو وھدءِ تہا سرکاری وانگ جاھ آنی جاورھال گہتر کنگ بیت۔ چیف جسٹس ءَ وانگ ءُ زانگءِ جاورھال ءِ سرءَ برانز گپتگءُ گشتگ اِت کہ بلوچستانءِ تہا وانگ ءُ زانگ ءِ جاورھال سندھءَ چہ ھراب تر اَنت ، صوبہ ءِ تہا ایچ گورننس نیست۔ آئیءَ پرمان داتگ کہ وانگءُ زانگءِ ھوالگءَ پالیسی جوڈ کنگءُ 15روچانی تہا پیش کنگ بہ بنت۔
