اُلسی تک ءَ گیش نزیکی دونیمگی سیادی ءِ مھکمی ءِ بنیات اِنت، پاکستان ہانک کانگ ءَ ر ا درساں چہ گیش مزنیں ءُ ھاس آزاتیں بیپاری دمگ لیک ایت، ہانک کانگ ءِ بیپاری مردم پاکستانءَ مالیاتی اِزمت، ٹیکنالوجی ، لاجسٹکسءُ انفراسٹرکچر ءِ پڑاں زرکاری ءِ جوانیں موھ ھاسل کت کن اَنت
مزن وزیر شاہد خاقان عباسی ءِ ہانگ کانگ ءِ چیف ایگزیکٹو کیری لام ءَ گوں گندءُ نند ءِ تہا گپءُ تران
باؤ(چین) ۔10اپریل (اے پی پی) مزن وزیر شاہد خاقان عباسی ءَ گشتگ کہ اُلسی تک ءَ گیش دونیمگی سیادی ءِ مھکمی ءِ بنیات اِنت،پاکستان ہانک کانگ ءَ ر ا درساں چہ گیش مزنیں ءُ ھاس آزاتیں بیپاری دمگ لیک ایت، ہانک کانگ ءِ بیپاری مردم پاکستانءَ مالیاتی اِزمت، ٹیکنالوجی ، لاجسٹکسءُ انفراسٹرکچر ءِ پڑاں زرکاری ءِ جوانیں موھ ھاسل کت کن اَنت۔ مزن وزیر شاہد خاقان عباسی ءِ ہانگ کانگ ءِ چیف ایگزیکٹو کیری لام ءَ گوں گندءُ نند ءِ تہا گپءُ تران کتگ۔ آئیءَ اے گپ ہانگ کانگ ءِ چیف ایگزیکٹو کیری لام ءَ گوں گپءُ تران کنانءَ کتگ۔ کہ آھاں باؤ فورم ءِ موھءَ یکے دومی ءِ گوما گندءُ نندءِ تہا گپءُ تران کتگ۔ مزن وزیر ءَ کیری لام ءَ را سوبمندیں گچین کاری عمل ءِ وسیلگءَ چیف ایگزیکٹو ءِ عہدگ سنبھالگءَ مراد بات دات کہ ’’ یک ملک، دو نظام‘‘ ءِ جوانیں نمونگ ءِ عکس اِنت۔ مزن وزیرءَ گشتگ کہ ہانک کانگ 25ہزار پاکستانی شہرآنی لوگ اِنت۔ مزن وزیر ہانگ کانگءِ چیف ایگزیکٹو ءَ را پاکستان ءِ ترءُ تاب کنگءِ دعوت داتگ۔ آئیءَ اے گپ ءِ سرءَ زور پِرداتگ کہ ہانگ کانگ ءِ بیپاری مردم مالیاتی اِزمت، ٹیکنالوجی ، لاجسٹکس ءُ انفراسٹرکچر ءِ پڑان جوانیں پاھدگ ءِ اُمیتءَ کن اَنت۔ آئی ءَ گشتگ کہ پاکستانی بیپاری مردم ءُ سیل ءُ سواد کنوکانی ھاترءَ گیش لبرل نظام ءُ ہانک کانگ ءِ مزن شاہ دربرجاھ آنی تہا پاکستانی نودربرآنی وظیفہ ءِ تہا گیشی کنگ ءِ سوج دیئگ بوتگ۔ چیف ایگزیکٹو ءَ انوگیں حکومت ءِ ردءَ اقتصادی گامگیج ءَ را ساڑاتگءُ اقتصادی ءُ اُلسی تک ءَ نزیکی ءَ را گیش مھکم کنگءِ اُمیت درشان کتگ۔
