اسلام آباد۔ 10 اپریل (اے پی پی) پیسریگیں مزن وزیر محمد نواز شریف ءَ گوشت کہ ھمے رنگ ءَ بلوچستان ءَ اناگہ ءَ یک پارٹی ءِ امیت وار بوتگ ھمے رنگ ءَ زیک لستیں مردم آنی دل آں زرّ باری پنجاپ ءِ محبت ءَ لھڈ جتگ، مسلم لیگ (ن) ءَ یل کنوک ءُُ روک مئے اچبر نہ بوتگ اَنت، پارٹی ءَ را یل کنوک آناں اِچ جاھ اوشتگ ءِ نہ رسیت، اے مردم وھد ءِ دنز ءُُ مُج آنی تہ ءَ گار ءُُ بیگواہ بنت، زوراک آنی گوما زان پہ زان نندوک شاز ءُُ ناز مئے پارٹی ءَ یک ءِ کپ ءِ بہ بیت، جتا گروپ جوڑ کنوک آں پولیٹیکل پارٹیز ایکٹ ءِ تہءَ مٹ ءُُ بدلی ءِ وھد ءَ مارا ووٹ ءِ نہ داتگ بوتگ، منی ھلاپ ءَ کیس بے سر ءُ بے پادین اَنت، اے دُرس فراڈ اَنت، ایشانی تہ ءَ کرپشن ءِ اِچ چیدگ نیست، دروگیں ڈک پچ بوھگ ءَ انت، ھمے واستہ گوشتگ بوتگ کہ کیس ءَ را سرجمیں راج ءِ دیم ءَ یک شل ءَ پیش دارگ بہ بیت۔ سئے شمبے ءَ کیساسگری آمید گس ءِ ڈن ءَ میڈیا ءَ گوں تران کنان ءَ پیسریگیں مزن وزیر محمد نواز شریف ءَ گوشت کہ ھمے رنگ ءَ بلوچستان ءَ اناگہ ءَ یک پارٹی ءِ سہرا بوت ھمے رنگ ءَ زیک لستیں مردم آنی دل آنی توک ءَ زرّباری پنجاپ ءِ محبت ءَ لھڈ جتگ۔
