اسلام آباد۔ 10 اپریل (اے پی پی) صدر مملکت ممنون حسین ءَ پنت ءُُ شون کت کہ ٹیکس ریفنڈ ءِ تہ ءَ تُرنی آرگ ءِ واستہ گامگیج آرگ لوٹ ایت تانکی ریاستی ادارگ آنی سرءَ اسل ءِ دل یکیمی برجا بہ بیت۔ آئی ءَ اے گپ سئے شمبے ءِ روچ ءَ بُنجاھی ٹیکس محتسب مشتاق احمد سکھیرا ءَ گوں گپ ءُُ تران کنان ءَ کت ، ایشی ءِ تہ ءَ بُنجاھی ٹیکس محتسب ءِ صدر مملکت ءَ وتی ادارگ آنی ھمک سالی رپوٹ ھم پیش کت۔ صدر ءِ مملکت ءَ رپوٹ ءِ تہ ءَ دل یکیمی ءِ درشان کنان ءَ گوشت کہ ٹیکس دیوک آنی شکاست آنی پیلو کنگ ءِ واستہ بُنجاھی ٹیکس محتسب ءِ ادارگ آنی ٹوھیں ارزشت ءِ است۔ آئی ءَ گوستگیں ٹیکس ءِ کساس ءَ چہ گیش ءِ در جنگ ءِ ھوالگ ءَ بُنجاھی ٹیکس محتسب ءُُ ایشی ءِ ادارگ آنی کوشست آنی توسیپ کت۔ آئی ءَ ٹیکس دیوک آنی شکاست آنی پیلو کنگ ءِ وھد ءُُ موہ ءِ تہ ءَ کمی ءِ سر ءَ ھم دل یکیمی ءِ درشان کت۔ صددر ءِ مملکت ءَ پنت ءُُ شون دات کہ ادارگ آنی کرد ءِ تہ ءَ گہتری ءِ واستہ گیش جوانیں گامگیج چست کنگ بہ بیت ءُُ اے رد ءَ ایندگہ ملک آنی تجروبت آں چہ سیت چست کنگ بہ بیت۔ آئی ءَ امیت سہرا کت کہ بُنجاھی ٹیکس محتسب ءِ ادارگ وتی کزبی کرد ءَ را گیش گہتر جوڑ کنان ءَ الس ءِ جوانیں ازمت ءَ کنت اِنت۔ بُنجاھی ٹیکس محتسب مشتاق احمد سکھیرا ءَ صدر ءِ مملکت ءَ را دل یکیم کت کہ آ الس ءِ گہتری ءِ واستہ وتی توامیں کوشست آناں کارمرد کنت اِنت۔
