چیئرمین نیب ءَ ادارگ ءِ کردی رپورٹ پیش کت
اسلام آباد ۔ 10 اپریل (اے پی پی) صدر مملکت ممنون حسین ءَ گوشت کہ نیب ءِ اپسرگ سک باز ایماندار ءُُ درابید بہ بنت چیا کہ لٹ ءُُ پُل ءَ چہ پاکیں انتظامیہ ءُُ راستیں پیسلہ ءَ چہ نیب ءِ شرپ سہرا بیت۔ آئی ءَ اے گپ چیئرمین نیب جسٹس (ر) جاوید اقبال ءَ گوں تران کنان ءَ کت آئی ءَ سئے شمبے ءَ ایوان ءِ صدر ءَ آئی ءَ گوں گند ءُُ نند کت۔ ایوان ءِ صدر ءِ نیمگ ءَ جاڑی بوتگیں بیان ءِ رد ءَ چیئرمین نیب ءَ اے موہ ءَ صدر ءِ مملکت ءَ را وتی ادارگ ءِ کرد ی رپورٹ ھم پیش کت ایشرا ساڑاھان ءَ صدر ءِ مملکت ءَ گوشت کہ لٹ ءُُ پُل ءِ ھلاسی ءِ بنیا ت ھمک مردم ءِ گوما یکیں رنگ ءِ سلوک کنگ اِنت تانکی راجی ادارگ آنی سرءَ السی دل یکیمی برجا بہ بیت۔ آئی ءَ گوشت کہ لٹ ءُُ پل ءِ ھلاسی ھمے رنگ ءَ بوت کنت۔ آئی ءَ گوشت کہ اے گواچن مُدام دیم ءَ سہرا بہ بیت کہ لٹ ءُُ پل ءِ سبب ءَ استیں ادارگ ءُُ زمہ وار ایشی ءِ کار رپک ءِ وجہ ءَ ملک ءَ جاڑیگیں دیمروئی کار اِچ وڑ ءَ آماچ مہ بنت۔ آئی ءَ گوشت کہ لٹ ءُُ پل ءِ ھلاسی ءُُ کیساسگری راجی ایجنڈھ ءِ بستار ءَ دار ایت ھمے ھاترا الس ءِ دل یکیمی اے رنگیں ادارگ آنی سر ءَ برجا دارگ ءِ واستہ توامیں کوشست کنگ لوٹ انت۔ آئی ءَ امیت سہرا کت کہ نیب ءَ لٹ ءُُ پل، کارمستری پاور آنی ناجائز ءُُ بے سر ءُُ پاد کارمردی ءَ چہ بچگ لوٹ ایت۔ صدر ءِ مملکت ءَ گوشت کہ میاں اوستمانی تک ءَ کرپشن ءِ ھوالگ ءَ پاکستان ءِ نام بُرز ءَ شرتر بوھان اِنت ایشی یے پشت ءَ نیب ءِ کرد انت۔ اے موہ ءِ سر ءَ چیئرمین نیب جسٹس (ر) جاوید اقبال ءَ صدر ءِ مملکت ءَ را دل یکیمی دات کہ نیب لٹ ءُُ پل ءِ ھلاپءِ ھلاپ ءَ ریا ءُُ روھ ءَ ابیدکاروائی ءَ جاڑی دار ایت۔
