پاک بحریہ ءِ جہاز پی این ایس ٹیپو سلطان، پی این ایس ہمت ءُُ پاکستان میری ٹائم سکیورٹی ایجنسی ءِ جہاز بسول ءِ ٹرائی سروسز مشق گلف شیلڈI- ءَ بھر زوری، سعودی بندرگاہ جبیل ءِ تر ءُُ تاب
اسلام آباد ۔ 9 اپریل (اے پی پی) پاک بحریہ ءِ جہاز پی این ایس ٹیپو سلطان ،پی این ایس ہمت ءُُ پاکستان میری ٹائم سکیورٹی ایجنسی ءِ جہاز بسول ءَ رائل سعودی آرمڈ فورسز ءِ نیمگ برجم داشتگیں ٹرائی سروسز مشق گلف شیلڈI- ءَ بھر زوری ءِ واستہ 30مارچ ءَ چہ 07اپریل 2018 ءَ تاں سعودی عرب ءِ پورٹ جبیل ءِ تر ءُُ تاب کت۔ جنگی جہاز ءِ گوما پاک بحریہ ءِ لانگ رینج میری ٹائم پٹرول ائیر کرافٹ پی تھری سی، اسپیشل سروس گروپ ءُُ پاک میرینز ءَ ھم مشک ءِ تہ ءَ بھر زوری کت۔ پی این فلوٹیلا ءِ کمانڈ پاک بحریہ ءِ کموڈور محمد فیصل عباسی ءَ کت۔ میری ٹائم مشک گلف شیلڈ I- دو بھر آنی تہ ءَ اِنت۔ مشک ءِ اولی برھ ءَ ہار بر فیز ءِ ساھت ءِ یکجائی منصوبگ بندی ءِ نفرنسز ءُُ کزبی بُن گپ آنی سر ءَ سیمینار برجم دارگ بوت ایشانی مول ءُُ مراد مشک آنی تہ ءَ شریکیں ملک آنی زرّئی اُرد ءِ نیام ءَ یکجائی آپریشنز آنی تہ ءَ گیشی آرگ ءِ واستہ گیر روایتی جنگ، تیابی دیمپانی، فضائی دیمپانی ءُُ زرّ ءَ سرچ اینڈ ریسکیو آپریشن ءِ جتا جتائیں مشک کنگ بوت۔ پاک بحریہ ءُُ پاکستان میری ٹائم ایجنسی ءِ جہاز آں ابید امریکہ ،بحرین، ترکی ،سعودی عرب،کویت ءُُ متحدہ عرب امارات ءِ جہاز آں ھم بھر زوری کت۔ جبیل دکہ ءِ نندگ ءِ ساھت ءَ سعودی عرب ءَ استیں پاکستان ءِ سفیر وائس ایڈمرل (ریٹائرڈ) خان ہشام بن صدیق ءَ پاک بحریہ ءِ جہاز پی این ایس ٹیپو سلطان ءِ سر ءَ یک مراگشے ءِ بستوبند کت ایشی ءِ تہ ءَ رائل سعودی نیول فورسز ءِ ٹوھیں ٹوھیں اپسرگ آں ھوار رائل سعودی نیول فورسز ءِ ایسٹرن فلیٹ کمانڈر، ریئر ایڈمرل فہد علی ال فرقان ءُُ مشق گلف شیلڈI- ءَ شریکیں ملک آنی اپسرگ ءُُ ورنا آں بھر زوری کت۔ مشک ءِ تہ ءَ پاک بحریہ ءِ بھر زوری پڑ ءَ ایمنی ءِ دیمروئی ءِ واستہ یکجائی مول ءُُ مراد آنی در جنگ ءُُ میری ٹائم سیکورٹی ءَ را گیش مھکم کنگ ءِ واستہ میاں اوستمانی تک ءَ پاک بحریہ ءِ پالیشی آں ھم سہرا کن اَنت۔
