پاک بحریہ سی پیک ءِ زرئی سیکورٹی ءِ واستہ جزمیگ اِنت، گوادر پورٹ ءَ آیوکیں ءُُ روکیں توامیں تجارتی آپی جہاز سرجمیں رنگ ءَ محفوظ اَنت
پاک بحریہ ءِ کمانڈر ویسٹ ءُُ کمبائنڈ ٹاسک فورس 88کموڈور راحت ءُُ پاک بحریہ ءِ جارچین کموڈور ارشد ءِ اھوالکار آناں بریفنگ
اسلام آباد ۔ 9 اپریل (اے پی پی) پاک بحریہ پاک چین اقتصادی راہداری (سی پیک) ءِ زرئی سکیورٹی ءِ واستہ جزمیگ اِنت ءُُ گوادر پورٹ ءَ آیوکیں ءُُ روکیں توامیں زرئی جہاز سرجمیں رنگ ءَ محفوظ اَنت۔ اے گپ پاک بحریہ ءِ کمانڈرویسٹ ءُُ کمبائنڈ ٹاسک فورس 88کموڈور راحت ءُُ پاک بحریہ ءِ جارچین کموڈور ارشد ءَ ڈیفنس جرنلسٹس ءِ گوادر ءِ تر ءُُ تاب ءِ ساھت ءَ بریفنگ دیان ءَ کت اَنت۔ جارچین پاک بحریہ کموڈور ارشد ءَ گوشت کہ گوادر پورٹ ءَ چہ روگ ءَ پیسرھمک جہاز ءِ سر ءَ بُرز ءَ بال ءِ وھد ءَ ءُُ زرّ ءِ اندر ءَ مئے نگاہ پر اِنت۔ کموڈور راحت ءَ گوشت کہ گوادر پورٹ ءُُ سی پیک ءِ زرئی تجارت ءِ رکھینگ مئے زمہ واری اِنت، ءُُ ماڑا ءَ بگر تاں گوادر ءَ تاں ھمک پچیس کلومیٹر ءِ تہ ءَ نیوی ءِ یک مکمل یونٹ ءِ ساڑی اِنت، پاک بحریہ ھمک ساھت ءَ تیار اوشتاتگ ءُُ زرّ ءَ مئے جہاز پٹرولنگ کنگ ءَ اَنت۔ آئی ءَ گوشت کہ رپوٹ ءِ ھوالگ ءَ منصوبگ ءُُ ایشانی سرءَ کار کنوکیں چینی شہری آنی رکھینگ ھم مئے زمہ واری اِنت۔ ھال رسانکی در آنی نماھندگ آناں بریفنگ دیان ءَ گوشگ بوت کہ گادر ءِ ھندی آباتی ءَ را ورگ ءِ ساپیں آپ ءِ پُجاری ءَ ایمرجنسی سپلائی بحریہ کنت۔ گوادر ءَ یک گیش بحریہ ماڈل اسکول ءِ آیوکیں سال ءَ تاں کار ءَ بندات کنت۔ گوشگ بوت کہ ھندی آباتی ءِ ھال رسانک ءُُ سیل ءُُ سواد ءِ واستہ ایف ایم اسٹیشن ھم برجا اَنت۔
