اسلام آباد۔ 9 اپریل (اے پی پی) سپیکر قومی اسمبلی سر دار ایاز صادق ءَ گوشت کہ کانود ءِ سروکی ءَ مئے منزل سبک ءُُ آسان بوھگ ءَ اِنت، کانود ریاست ءِ ھمک شہری مردم ءِ بنیاتی ھک جمہوریت ءُُ سیکورٹی ءِ زامنی ءَ دنت ایشی ءِ شرپ ءَ را برجا دارگ مئے دُرستانی اولی زمہ واری اِنت۔ اے ھیالانی درشانی آئی ءَ یوم ءِ دستور ءِ موہ ءَ راج ءِ نام ءَ وتی کلوہ ءَ کت ایش سرجمیں ملک ءَ سئے شمبے ءَ 10اپریل ءَ برجم دارگ بوھگ ءَ اِنت۔ سپیکر راجی اسمبلی ءَ آئین ءِ راجدپتر ءِ ارزشت ءِ سر ءَ چمشانک دیان ءَ گوشت کہ 45سال پیسر ملک ءِ اولی جمہوری رنگ ءَ گچین بوھوکیں اولی نماھندگ ءَ ملک ءَ را جمہوریت، ایمنی ءُُ دیمروئی ءِ کشک ءَ تیلانک دیگ ءِ واستہ پاکستان ءِ کانود ءِ منظوری دات۔ آئی ءَ اپسوزی ءِ درشان کنان ءَ گوشت کہ گوستگیں 45سال ءِ ساھت ءَ گیر جمہوری ھاٹیگ آں جمہوری رنگ ءَ گچین بوتگیں حکومت آناں ھلاس کنان ءَ کانود ءَ را مھتل کتگ ایشی ءِ سبب ءَ بُنجاھ ءَ تاوان رستگ، اے گیر جمہوری گامگیج آنی سبب ءَ ملک ءَ برز لھڈ جنوکیں جمہوری کلچر، سیکورٹی، بنی آدم آنی ھک ءُُ دیمروئی ءِ سر ءَ ھم ھرابیں کشک رندگ بوتگ۔ جمہوری ھاٹیگ آناں ملک ءَ جمہوریت ءِ برجائی ءُُ کانود ءِ سروکی ءِ واستہ کربانی ءِ تران کنان ءَ سپیکر ءَ گوشت کہ کانود ءُُ جمہوریت ءِ برجائی ءِ واستہ جمہوری ھاٹیگ آں زوراکیں سروکی ءِ ساھت ءَ بے دروریں کربانی ءَ ابید وتی کوشست آناں جاڑی داشت۔
