اسلام آباد۔ 9 اپریل (اے پی پی) صدر مملکت ممنون حسین ءَ گوشت کہ پی ایس ایل ٹورنامنٹ ءَ را پاکستان ءَ عالمی کرکٹ ءِ واتری ءِ کریڈٹ روت، پی ایس ایل ءَ چہ راجی کرکٹ ءَ را سک باز سیت رستگ، پی ایس ایل ءِ برجائی ءَ چہ ناشرکاری ءَ را شکست بوتگ ءُُ ایمنی ءَ باج بُرتگ، الس ءِ سرجمیں ءِ سرجمی ءَ بھر زوری ءَ چہ دُگنیا ءَ اے کلوہ شتگ کہ پاکستانی ایمنی دوست ءُُ لیب ءُُ گوازی ءَ گوں ھُدوکی ءِ دار اَنت۔ آئی ءَ اے گپ ایوان ءِ صدر ءَ پی ایس ایل ءِ باج بروکیں ٹیمب ءُُ آئی ءِ مینجمنٹ ءَ گوں تران کنان ءَ آئی ءَ دو شمبے ءَ سیدّ علی رضا نقوی ءِ سروکی ءَ آئی ءَ گوں گند ءُُ نند کت۔ صدر ءِ مملکت ءَ گوشت کہ کرکٹ ءِ برجائی ءَ چہ گوازیءِ پڑ ءَ را دیمروئی رسیت۔ آئی ءَ گوشت کہ پاکستان ءَ لیب ءُُ گوازی ءِ دیمروئی ءَ چہ معشیت ءِ تہ ءَ گہتری کئیت، ھاسیں رنگ ءَ گوازی ءِ سامان جوڑ کنوکیں صنعت ءِ تہ ءَ روزگار ءِ موہ گیش پیداک بیت۔ آئی ءَ گوشت کہ لیب ءُُ گوازی ءَ چہ سگ ءُُ اوپار ءُُ سپورٹس مین سپرٹ ءِ دُرستاں چہ مستریں ضلورت بیت ءُُ کھلاڑی وتی کرد ءِ سر ءَ اچبر چار ءُُ بچار مکن اَنت ایشی ءَ چہ پشمندگی ءِ کشک پچ بنت۔ آئی ءَ گوشت کہ ورنا ئیں لیبی کہ ایشی ءِ تہءَ شاداب، سمیع ، طلعت، صاحبزادہ ءُُ آصف ھوار اَنت ایشاں گوں بازیں اوست بندوک اَنت۔
