اسلا م آباد۔ 08اپریل (اے پی پی) چیف آ ف دی نیول اسٹاف ایڈمرل ظفر محمود عباسیءَ کیڈٹ کالج پٹارو ءِ ترءُ تاب کتگ ءُ نوک جوڈ بوتگیں اسپورٹس کمپلیکس ءِ دیم درائی۔ کیڈٹ کالج پٹارو ءِ اے ان ڈور اسپورٹس کمپلیکس انوں زوتاں جوڈ کنگ بوتگ کہ ایشی ءِ تہا انڈوراسپورٹس ءِ دراھیں آسراتی اَست اَنت۔ نیو ل چیف ءَ کالج ءِ دگہ آسراتی ءِ ھم چارءُ تپاسی کتگءُ کالج ءِ نودربرءُ راھ دربر ءُ اسٹافءَ گوں گند ءُ نند کتگ۔ کیڈٹ کالج پٹارو سربوھگءَ کمانڈر کراچی ریئر ایڈمرل اطہر مختار ءُ کالج ءِ پرنسپل کموڈور محبوج الٰہی ملکءَ ایڈمرل ظفر محمود عباسی ءَ را وش اَتک کتگ۔ کیڈٹس ءَ گوں تران کتگءُ نیول چیف ءَ آھانی تعلیمءُ تربیت ءُ کرد ءَ را جوان کنگءَ کیڈٹ کالج پٹاروءِ کردءَ را ساڑاتگ۔ آئیءَ کالج ءِ انفراسٹرکچر ، آسراتی ءُ تدریسی چاگردءَ را ھم ساڑاتگ۔
