اسلام آباد۔09اپریل (اے پی پی ) سینیٹ ءِ چیئرمین محمد صادق سنجرانی ءَ گشتگ کہ پاکستان جاپان ءِ گوما وتی سیادی ءَ را سک باز ارزشت دنت ءُ اے دوستی ءَ را دوھیں ملک آنی اُلس ءِ پاھدگ ءِ تہا بازیں پڑآں گیش کنگءِ واھشت مند اِنت، پاکستان ءُ جاپان ءِ نیامءَ استیں معاشی نزیکی ءَ را گیش مھکم کنگءَ ھوار بیپاری ھم کچی ءَ را کم کنگءِ ضلورت اِنت، دوھیں ملک آنی نیامءَ بیپاری سیادی ءِ تہا گہتری آرگءِ ھاترءَ مزن گسی نزیکی ءَ را گیش کنگ المی اِنت۔ سینیٹ سیکرٹریٹ ءِ نیمگءَ چہ جاری پریس ریلیز ءِ ردءَ آئیءَ اے ھیالانی درشانی مزن گسءَ جاپان ءِ سفیر تکاشی کورائی ءَ گوں گند ءُ نندءِ تہا کتگ۔
