اسلام آباد۔08اپریل (اے پی پی)بُنجاھی وزیر برائے ریاستی ءُُ سیم سرئی دمگ ( سیفران) عبدالقادر بلوچ ءَ گوشت کہ خاران کیڈٹ کالج یک ارب 32کروڑ کلدار ءِ ھرچ ءُُ درچ ءَ چہ سرجم کنگ بیت۔ ماشکیل ءُُ خاران ءِ الس آناں روچ ءَ چہ دزگیر کنوکیں ھاٹیگ ءَ چہ پیداک بوھوکیں توان ءِ پُجاری کنگ بیت۔ یک شمبے ءِ روچ ءَ ھال رسانکی در آنی نماھندگ آں گوں تران کنان ءَ بُنجاھی وزیر ءَ گوشت کہ بُنجاھی حکومت ءَ صوبہ ءِ بلوچستان ءَ ھاٹیگ ءَ ھوار جتا جتائیں دیمروئی منصوبگ بندات کتگ اَنت ایشانی تہ ءَ یک منصوبگ ءِ خاران کیڈٹ کالج ایگ اِنت ایشی ءِ واستہ بُنجاھی حکومت ءَ یک ارب 32کروڑ کلدار پُجارینتگ اَنت۔
