اسلام آباد۔ 8 اپریل (اے پی پی) پاکستان ءُُ اوگانستان ءَ پاک اوگان ایکشن پلان برائے ایمنی ءُُ یکوئی (اے پی اے پی پی ایس) ءِ چیر دستی ءَ ورکنگ گروپس ءَ را برجا جوڑ کنگ ءِ سرءَ تپاکی سہرا کت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ اے تپاک نامہ مزن وزیر شاہد خاقان عباسی ءِ کابل ءِ استیں تر ءُُ تاب ءِ ساھت ءَ بوت۔ تر ءُُ تاب ءِ ساھت ءَ اے گپ ءِ سرءَ تپاک کنگ بوت کہ پاکستان اوگانستان ءِ سروکی ءَ ایمنی ءُُ وت مہ وتی تپاکی ءِ سر ءَ ھمبراھ داری کنت اِنت۔ دوئیں ملک ڈنگی ءُُ ناشرکاری ءِ ھلاپ ءَ جوانیں کاروائی کن اَنت ھما کہ ایشانی سالمی ءِ سر ءَ بیم ءُُ ھوپی بہ بنت۔ دوئیں ملک یک ءِ دومیگءِ ھلاپ ءَ ریاست ءِ چست ءُُ ایر آنی واستہ کجام ھم ملک، نیٹ ورک، گروپ یا مردم آناں وتی سر ڈگار ءَ را کارمردکنگ ءَ نئیل ایت۔
