اسلام آباد۔ 7 اپریل (اے پی پی) بُنجاھی وزیر توکی کار احسن اقبال ءَ گوشت کہ پاکستان نیشنل ٹورازم ءُُ سپورٹ اتھارٹی برجا کنگ ءِ سپارش کتگ، فوڈ اتھارٹی کابل منظور بوتگ، حکومت ہاٹیکلچر ءُُ پارکس آنی دیمروئی ءِ واستہ جتا جتائیں شوبگ جوڑ کنگ ءِ جار جتگ، ھمک کلمہ وانوکیں مسلمان ختم ءِ نبوت ءِ سپاھیگ اِنتت، ھمک ادارگ مینڈیٹ ءِ تہ ءَ بہ بیت ءُُ کار بکنت گڈا ملک دیمروئی کنت۔ اے ھیالانی درشانی آئی ءَ شمبے ءِ روچ ءَ اسلام آباد فیسٹیول ءِ بُنگیجی مراگش ءَ گشتانک دیان ءَ کت۔ احسن اقبال ءَ گوشت کہ اسلامج آباد ءِ راجدپتر ءِ اولی اسلام آباد فیسٹیول ءِ بُنگیج کنگ بوھگ ءَ اِنت آیوکیں ھمک سال ءَ ایش برجم دارگ بیت۔ آئی ءَ گوشت کہ ما سرجمیں دُگنیا ءَ اسلام آباد فیسٹیول برانڈ ءِ رنگ ءَ دیم ءَ سہرا کن آں ءُُ سرجمیں دُگنیا ءَ چہ سیل ءُُ سوادی مردم پاکستان ءِ نیمگ ءَ دیم ءَ گور کن اَنت۔ آئی ءَ گوشت کہ اسلام آباد ءِ شمار سرجمیں دُگنیا ءِ جلواھ ناکیں شہر آنی تہ ءَ کنگ بیت ایشرا گیش جلوھ ناک کنگ ءِ منصوبگ آنی بندات کنگ بوتگ۔ بُنجاھی وزیر توکی کار ءَ گوشت کہ شہر آنی سپائی ، ساپیں آپ ءِ پُجاری کنگ ءِ واستہ کورنگ نالہ ءِ سر ءَ ٹریٹمنٹ پلانٹ جنگ ءِ واستہ کابینہ ءَ 2.3ارب کلدار ءِ منظوری داتگ۔
