کوئٹہ۔ 7 اپریل (اے پی پی) مزن وزری شاہد خاقان عباسی مرچی خاران ءَ یک مچ۔ خاران سڑک ءِ بُن ھشت ءَ ایر کنت ءُُ خضدار۔ شہداد کوٹ سڑک ءِ بُنگیج ءَ کنت۔ دوئیں منصوبگ بلوچستان ءَ روڈ نیٹ ورک ءَ را گیش گہتر کنگ ءِ حکومتی پروگرام ءِ بھر اَنت۔ سرجمیں ھال آنی رد ءَ 200 کلومیٹر دراج بُریں یک مچ۔ خاران سیکشن صوبگ ءِ دور ءُُ گستاھیں دمگ آنی تہ ءَ انت ایش سئے ضلع چاغی، واشک ءُُ خاران ءَ را یکجا ملارین ایت۔ یک مچ۔ خاران سیکشن کراچی ءَ را یرانی بارڈر ءِ گوما (این ۔25) ءَ گوں ملارینگ ءِ کسان ءُُ لُک ترین کشک اِنت ایش 250کلومیٹر ءَ چہ گیش گستائی کم بیت۔ اے منصوبگ ءَ چہ ھما ضلع کہ سیت مند بنت آ ھُداوندتی مڈی ءَ چہ مالا مال اَنت ءُُ اے دمگ آنی تہ ءَ رابطہ ءَ را گہتری ءَ چہ معاشی دیمروئی ءِ ترندی ءَ جوانیں گیشی بیت۔ ضلع چاغی ءَ چہ کراچی ءِ نیمگ ءَ مڈی آنی بر ءُُ آر ءِ تہءَ ھاسیں رنگ ءَ ریکوڈک ترند ءُُ آسان بیت۔ ایشی ءَ ابید اے منصوبگ ءِ سرجمی ءَ چہ ایران ءِ بارڈر ءُُ کراچی ءِ نیمگ ءَ چیز آنی بر ءُُ آر ءِ تہ ءَ گیشی ءُُ نزیکیں کشک ءَ چہ بیت ، ایش آناں (این۔25) ءِ کشک ءَ لک پاس ءِ دراج بُریں پند ءَ را برگ کپگ ءَ اِنت۔
