کوئٹہ۔07 اپریل ( اے پی پی ) مزن وزیر شاہد خاقان عباسی یک روچی تر ءُُ تاب ءِ ھاترا شمبے ءِ روچ ءَ بلوچستان ءَ پج اِت، بُنجاھھی وزیر میر حاصل خا ن بزنجوءُُ ایندگہ بُنجاھی وزیرھم مزن وزیر پاکستان ءِ ھمبراھ اتنت، کوئٹہ انٹرنیشنل ائرپورٹ ءِ سرءَ سر وزیر بلوچستان میر عبدالقدوس بزنجو ،صوبائی وزیر میر عاصم کرد گیلو، صوبائی اسمبلیءِ باسک، چیف سیکریڑی بلوچستان اورنگزیب حق ،انسپکٹر جنرل پولیس معظم جاہ انصاری،ڈی آئی جی پولیس کوئٹہ عبدالرزاق چیمہ ءُُ ایندگر ٹوھیں ٹوھیں اپسرگ آں مزن وزیر پاکستان شاہد خاقان عباسی ءَ را وش اتک کت، مزن وزیر ءِ پُجگ ءِ پد ءَ کوئٹہ ءَ سیکورٹی ءِ ترندیں انتظامی برجم دارگ بوتگ اَنت، مزن وزیر پاکستان شاہد خاقان عباسی خاران ءَ جتا جتائیں اسکیم آنی بُنگیج ءَ کنگ ءَ ابید یک مش خاران شاہراہ ءِ بُن ھشت ءَ ایر کنت۔
