اسلام آباد۔06اپریل (اے پی پی) ملکءِ صدر ممنون حسین ءَ گشتگ کہ راجی زبانءَ را وانگءُ زانگ ءِ وسیلگ جوڈ نہ کنگ ءَ چہ ملک ءِ تہا تیاری ءَ مان شانتگ ءُ کتابءَ چہ دوری ءَ میاں اوستمانی تک ءَ تکاسری ءُ ھون ریچی ءِ در پچ کتگ اَنت۔ علمی ءُ پٹءُ پولکاری سُرءُ پراناں راجی زبانءَ گوں بندوک کنگ بہ بیت ، علم زانتءُ ریاستی ادارگ آنی پکرءُ عملءِ نیامءَ وت مہ وتی پیداک کنگءِ ضلورت اِنت، پاکستانی راج بھارتی زُلمیءُ ناھکی ءِ آماچیں کشمیر ءِ مردمانی ھمراھ اَنت ءُ پاکستان بھارتءَ را سک باز ایر جنت،کشمیر ءَ را اقوام متحدہ ءِ تپاک نامہ ءِ ردءَ وت واجہی دیئگ بہ بیت ءُ میاں اوستمانی براتی اے ھوالگءَ وتی کردءَ پیلو بہ کنت۔ آ نیشنل بک فاؤنڈیشن ءِ سالی کتاب نماش ءِ بنگیجی مراگش ءَ گوں تران کنگءَ بوتگ۔ منیجنگ ڈائریکٹر ڈاکٹر انعام الحق جاوید ءَ ھم مر اگش ءَ گوں تران کتگ۔ ملکءِ صدر ءَ اے سال کتاب نماش ءِ ھاترءَ بنجاھی ھیال ’’ کتابانی دنیاسلامت بات‘‘ ءِ سرھال ءَ را ساڑاتگ ءُ اے اُمیت ءِ درشانی کتگ کہ علم ءُ لبزانک ءِ دنیام ءَ اے نماش ملک ءِ کنڈ کنڈءَ علمءُ نورءُ کتابانی وشبوءَ سرکنگءَ سوبمند بیت۔ آئی ءَ گشتگ کہ اگاں سائنس ءُ ٹیکنالوجی ءَ ھوار ھمک پڑءَ علمءَ گوں ھمگرنچیں لیٹریچر ارزانی ءَ گوں کم نیادءَ دست بہ کپیت۔ اے موھءِ سرءَ مزن وزیر ءِ راج دپتر ءُ لبزانکی ورثہ ءِ صلہ کار عرفان صدیقی ءَ تران کتگءُ گشتگ کہ انوگیں دورءَ علمی ، ادبی ءُ تہذیبی ادارگ باز کار کنگءَ اَنت۔ پاکستانءِ تہا کتاب ءُ کتاب کلچر زند گ اِنت۔ آئیءَ گشتگ کہ گہتر ءُ گیش کتاب شنگ کنوکیں شنگکاراں ایوارڈ دیئگ بیت۔ اے موھءِ سرءَ ملکءِ صدر ءَ بیرک بُرز کتگءُ زھگاں راجی سوت جتگ۔ مراگشءِ تہا کتاب ءِ سفیر ، زانتکارءُ کواس ، ادیب ءُ سفارت کارءُ نودربر ھوار بوتگ اَنت۔
