سیاسی ءُ سکیورٹی جاورھال ءَ ھوار دونیمگی ھدوکیءِ کارانی سرءَ الکاپی ءَ شورءُ صلہ کن اَنت، دری کارانی جارچین
اسلام آباد۔05اپریل (اے پی پی) مزن وزیر شاہد خاقان عباسی اوگان صدر محمد اشرف غنی ءِ دعوتءِ سرءَ جمعہ ءِ روچءَ یک روچی ترءُ تابءَ کنت۔ مزن وزیر اوگانستان ءِ ترءُ تاب ءِ مولءُ مراد دونیمگی سیادی ءِ تہا جوانیں پیشرفت ءَ را گیش ءُ دوھیں ملک ءُ خطہ ءِ تہا مھکمیں امنءُ ایمنی، مھکمی ءُ اقتصادی وشھالی ءِ ھاترءَ یک وڈیں کوشستاناں مھکم کنگءَ کم کنت۔ دری کارانی کارگس ءِ نیمگءَ چہ پنچ شمبے ءِ روچءَ جاری بیانءِ تہا گشگ بوتگ کہ مزن وزیر ءِ اوگانستانءِ ترءُ تابءَ مھکمیں امنءُ ایمنی ءِ ھاترءَ طالبان ءِ گوما صدر اشرف غنی ءِ صلہ جنگءِ ھوالگءَ پاکستانءِ حمایت ءُ دونیمگی نزیکی ءَ را مھکم کنگ اِنت۔ اوگان مزن وزیر اشرف غنی ءُ چیف ایگزیکٹو ڈاکٹر عبداللہ عبداللہ ءِ گوما دونیمگی سیاسی ، اقتصادی ، سلامتی ءُ ناشرکاری ءِ گرءُ داری کمک، اوگان لڑءُ باری ءِ واتری، منشیات ءِ پیداوارءِ گرءُ دار، اوگان امنءُ ایمنی عمل ءُ دمگی سیاسی ءُ سیکورٹی جاورھال ءَ ھوار دونیمگی ھدوکی ءِ کارانی سرءَ الکاپی ءَ شورءُ صلہ کن اَنت۔ دمگی اقتصادی وت مہ وتی ءَ را گیش کنگءِ ھاترءَ دوھیں ملک ترکمانستان، اوگانستان ، پاکستان، بھارت گیس پائپ لائن ءُ سنٹرل ایشیا ء، جنوبی ایشیاء، الیکٹرک سٹی ٹرانسمیشن ءُ ٹریڈ پروجیکٹ ( کاسا1000) ءِ وڈیں ھاسیں دمگی گامگیجانی تہا ھوار بوھگءَ اِنت۔ مزن وزیر شاہد خاقان عباسی ءَ انوں( تاپی) گیس منصوبہ ءِ بنگیجی مراگش ءَ ہرات ءَ اوگان صدر ءِ ھمراھ ھواربوتگ۔ دوھیں نیمگءَ ھاس دونیمگی ریل روڈ مواصلاتی منصوبہ آنی تہا ھم کار کنگءَ اَنت۔
