اسلام آباد ۔ 5 اپریل (اے پی پی) بُنجاھی وزیر توکی کار ءُُ منصوبگ بندی پروفیسر احسن اقبال ءَ گوشت کہ درنچتگیں ءُُ گیر جمہوری حکومت ءَ پاکستان ءِ 35سال بباد داتگ، گیر جمہوری حکومت ءَ وت ءَ را مھکم کنگ ءِ واستہ ھمک ادارگ ءِ تہ ءَ شک ءُُ پک پیداک کتگ، 2013ءِ پاکستان ءُُ مرچگیں پاکستان ءِ تہ ءَ جتائی سہرا انت، استیں حکومت ءِ دانشمندی پالیشی ءُُ پیسلہ ءَ چہ ملک ءَ ناشرکاری ءُُ ھاٹیگ ءِ ھلاسی، معاشی دیمروئی ءِ واستہ الس ءَ را پاک چین اقتصادی راہداری منصڈوبگ (سی پیک) ءِ ٹیکی داتگ، نوکیں شوہاز راج آنی واستہ ھاٹیگ ات، ایشی ءِ سرءَ نودربر آں دلگوشی دیگی اِنت، جوانیں سسا ءِ گوما ، دیمروئی کنوکیں ملک آنی گوما مقابلہ کنگ ءِ واستہ آواناں گیش محنت کنگی اِنت۔ آ پنچ شمبے ءِ روچ ءَ پاکستان پلاننگ مینجمینٹ انسٹیٹوٹ ءَ نودربر آں گوں گشتانک دیان اَت۔ آئی ءَ گوشت کہ مرچی پاکستان دیم ءَ جنزگ ءَ انت ، 2013ءَ وھد ءِ حکومت ءَ سیٹ ءَ را گپت گڈا ملک ءَ ایمنی برجا بوت، ھاٹیگ ءِ کمیگ ءُُ بازیں انچیں جیڈٖھ دیم ءَ اتک اَنت کہ آوانی ھلاس کنگ المی اَت اے سبب ءَ جوانیں منصوبگ بندی کنگ کپت ءُُ مرچی پنچ سال ءَ چہ پد 2018ءَ پاکستان یک پرامنیں ، وشھالیں ءُُ ترند دیم ءَ جنزوکیں ملک ءِ جوڑ بوتگ۔ بُنجاھی وزیر ءَ گوشت کہ حکومت ءَ ناشرکاری ءِ سرءَ گر ءُُ دار کتگ ءُُ ھاٹیگ ءِ کمیگ ءَ را ھلاس کتگ ایشی ءَ چہ گوزوکیں سال ءَ راجی گرڈ ءَ 10ھزار میگاواٹ ءَ چہ گیش توان ھوار بیت۔ آئی ءَ گوشت کہ جوانیں سسا ءِ گوما ، دیمروئی کنوکیں ملک آنی مقابلہ کنگ ءِ واستہ گیشاں چہ گیش محنت کنگل لوٹ ایت۔ حکومت ساپیں آپ ءِ پُجاری ءِ واستہ کار کنگ ءَ اِنت ءُُ موسمی مٹ ءُُ بدلی ءِ جاور ھال آں گوں گر ءُُ دار ءِ واستہ گامگیج کنگ ءَ اِنت۔ آئی ءَ گوشت کہ ورنا آناں ملک ءِ دیمروئی ءَ المی ایں کرد ءِ است ءُُ آواناں دیم ءَ جنزوکیں پاکستان ءَ چہ سیت کار بوھگ لوٹ ایت۔
