اسلام آباد ۔ 5 اپریل (اے پی پی) صدر مملکت ممنون حسین ءَ گوشت کہ ناشرکاری ءُُ جنگ ءُُ چوپ ءِ ھلاسی ایوک ءَ زوراکی ءِ کارمردی ءَ گوں نہ بیت بلکینگ ءَ ایشی ءِ واستہ المی اِنت کہ سر ڈگاری راستی آناں منگ لوٹ ایت پراھ ءُُ شاھئیگانیں کار کنگ لوٹ ایت، ناشرکاری ءِ ھلاپ ءَ جنگ ءَ پاکستان ءِ کامیاتی راجدپتری اَنت، ایندگر ملک پاکستان ءَ ناشرکاری ءِ ھلاپ ءَ جنگ ءَ تجروبت ءَ گوں سیت مند بوت کن اَنت۔ آئی ءَ اے گپ اسلام آباد ءَ نیشنل کاؤنٹر ٹیررازم اتھارٹی ءِ چیر دستی ءَ میاں اوستمانی کانفرنس ءَ گوں گشتانک دیان ءَ کت اَنت۔ اے موہ ءِ سرءَ پارلیمنٹ ءِ باسک، پاکستان ءُُ پاکستان ءَ چہ ڈن ءَ آیوکیں کلانہ ءُُ زانت کار آنی مزنیں کساسے ءَ بھر زوری کت۔ مراگش ءَ وزیر ءِ درئی کار احسن اقبال ءَ ھم گشتانک دات۔ صدر ءِ مملکت ءَ گوشت کہ گوستگیں سی سال آنی ساھت ءَ میاں اوستمانی ءُُ دمگی جاور ھال ھراب انت ، پاکستان تچک ءَ ایشانی نشانگ جوڑ بوھگ ءَ اِنت۔ بلے ایشاں ابید پاکستان ءَ ھما جزم زُرتگ ءُُ کار کتگ ایشی ءِ درور سرجمیں راجدپتر ءَ نہ رسیت۔ آئی ءَ گوشت کہ نیشنل کاؤنٹر ٹیرر ازم اتھارٹی ءِ چیر دستی ءَ ناشرکاری ءُُ ایشی ءِ چیر دستیں بُن گپ ءِ سر ءَ میاں اوستمانی کانفرنس ھمے رچ ءِ کڑی اِنت ایشی ءِ نتیجگ ءَ توکی سلامتی ءِ بلدکار آنی نیام ءَ پراھ ءُُ شاھیگانیں شور ءُُ سلاھ ءُُ ھیال ریچی ءِ جوانیں موہ رس اَنت، اے رنگ ءَ بدامنی ءُُ جنگ ءُُ چوپ ءِ جتا جتائیں جاور آں گوں گر ءُُ دار ءِ سر ءَ چار ءُُ بچار بوت کنت۔ صدر ءِ مملکت ءَ گوشت کہ مارا چاگردی جھلگ ءُُ بُرزگ ءُُ وانگ ءُُ زانگ ءِ نظام ءِ جتا جتائیں تک آنی جوانی ءَ چار ءُُ تپاسی زوران ءَ اے پڑ آنی درچنگ لوٹ ایت ھما کہ اے رنگ ءِ جاور ھال آنی کشک ءَ ساپ کن اَنت۔ اے موہ ءَ کانفرنس ءَ بھر زوروکیں مہمان آناں شیلڈ ھم پیش کنگ بوت۔
