کراچی ۔ 4 اپریل (اے پی پی) ترک زرئی اُرد ءِ سروک وائس ایڈمرل عدنان عزبل اے روچاں پاکستان ءِ سرکاری تر ءُُ تاب ءَ اِنت۔ پاکستان ءَ وتی دزگٹی آنی ساھت ءَ شرپ مندیں مہمان آں 2اپریل ءَ چیف آف دی نیول اسٹاف ایڈمرل ظفر محمود عباسی ءَ نیول ھیڈ کوار ٹرز اسلام آباد ءَ گند ءُُ نند کت۔ چار شمبے ءِ روچ ءَ جاڑی بوتگیں جار ءِ رد ءَ گند ءُُ نند ءِ ساھت ءَ دوئیں زرئی اُرد آنی نیام ءَ کزبی کار آں ھوار استیں ءُُُ آیوکیں باندات ءِ زرئی کمک آنی بابت ءَ ھیال ریچی کنگ بوت۔ تر ءُُ تاب ءِ دومی بھر ءَ وائس ایڈمرل عدنان عزبل ءَ لاہور ءُُ کراچی ءَ استیں پاک بحریہ ءِ جتا جتائیں فیلڈ کمانڈز آنی تر ءُُ تاب کت۔ لاہور ءَ وتی دزگٹی آنی ساھت ءَ آئی ءَ کمانڈنٹ پاکستان نیوی وار کالج رئیر ایڈمرل نوید احمد رضوی ءَ گوں گند ءُُ نند کت۔ وتی کراچی ءِ تر ءُُ تاب ءَ ترک زرئی اُرد ءِ سروک ءَ کمانڈر کراچی رئیر ایڈمرل اطہر مختار، کمانڈر کوسٹ ریئر ایڈمرل معظم الیاس ءُُ کمانڈر پاکستان فلیٹ ریئر ایڈمرل محمد امجد خان نیازی ءَ گوں جتا جتائیں گند ءُُ نند کت۔ اے گند ءُُ نند آنی ساھت ءَ دو نیمگی شریکداری ءُُ کزبی کار آنی سر ءَ گپ ءُُ تران کنگ بوت۔ پُرمڈاھیں مہمان آں اے موہ ءِ سرءَ ناشرکاری ءِ گر ءُُ دار ءُُ زرّی ڈنگ آنی میاں اوستمانی کوشست آنی وسیلگ ءَ پڑ ءَ ایمنی ءِ برجائی ءِ بابت ءَ پاک بحریہ ءِ کرد ءَ را ساڑات۔ ترک آپی سروک پاکستان نیول اکیڈمی ءَ ھم شُت اَنت ءُُ آھودا ھیل کاری زوروک مڈشپ مین ءُُ کیڈٹس آں گوں گند ءُُ نند کت۔ ایشی ءَ چہ پد وائس ایڈمرل عدنان ءَ پاک بحریہ ءِ جہاز پی این ایس سیف ءِ تر ءُُ تاب ھم کت۔ آپی جہاز آنی سر ءَ پجگ ءَ پد کمانڈر پاکستان فلیٹ ریئر ایڈمرل محمد امجد خان نیازی ءَ آئی ءَ را وش اتک کت ءُُ پاک بحریہ ءِ ورنائیں بامرد آں آئی ءَ را گارڈ آف آنر پیش کت۔ شرپ مندیں مہمان آں جہاز ءِ کارندہ آں گوں گند ءُُ نند کت ءُُ پاک بحریہ ءِ اپسرگ ءُُ ورنا آنی کزبی ازمکاری آنی توسیپ کت۔ وائس ایڈمرل عدنان عزبل ھم قائد اعظم ءِ مزار ءَ شت ءُُ پُل آنی چادر ءِ پر دات۔ ترک بحری اُرد ءِ سروک ءَ استیں پاکستان ءِ تر ءُُ تاب ءَ چہ پاکستان ءُُ ترکی ءِ نیام ءَ ھاسیں رنگ ءُُ دوئیں ملک آنی زرئی اُرد آنی نیام ءَ دو نیمگی کمک آناں گیشی رسیت۔
