مظفرآباد۔ 04اپریل (اے پی پی) وزیراعظم شاہد خاقان عباسی پارینے کہ کشمیر نا ویل دنیا نا ضمیرا کن اسہ چیلنج اسے ، کشمیری تا خون و اوفتا قربانیک گم مفسہ۔ کشمیر نا بارواٹی پاکستان نا مقدمہ اقوام متحدہ نا سلامتی کونسل نا قرارداد آتا بنداو آٹی ءِ۔ سلامتی کونسل نا قراردادآتا رداٹ کشمیری تے استصواب رائے کن تینا آخبت نا فیصلہ ءِ کننگ نا حق تننگے۔ مقبوضہ کشمیر اٹی زند پورو وڑاٹ یند، علاقہ ٹی کرفیو نافذ ، انٹرنیٹ و مواصلات نا ایلو ذریعہ غاتے بند کننگانے، بھارتی حکومت نا دا گام گیج کشمیری تا توار ءِ توننگ نا بے سہب ءُ ہتھکنڈہ اسے، بھارت ءِ جہانی کانود نا مون آ کاٹم ءِ شیف کروئی تمک، فتح یقیناًکشمیری الس نا مریک، بھارتی فوج انا دوتے اٹ کشمیری الس نا وحشیانہ لس خون و اوفتا زبان بندی نا کوشست بے سہب مریک۔ داخیال آتا درشانی ءِ چارشنبے نادے داڑے آزاد جموں و کشمیر کانود ساز اسمبلی و کشمیر کونسل نا اسیجائی دیوان آن تران کرسا کرے۔
