اسلام آباد۔ 04اپریل (اے پی پی) فاٹا نا عارضی وڑاٹ بے اُرا مروک آ بندغ آتے ٹی ہند آتا معاوضہ غاتابشخ و پانٹ نا چرجوئی برجاءِ ، داوخت اسکان 37 ہزار 314 ہند آتا معاوضہ تننگانے۔ فاٹا نا پوسکن جوڑ جاڑ و بحالی نا پروگرام منیجر چارشنبے نادے ’’اے پی پی‘‘ تون خصوصی ہیت وگپ اٹی پارے کہ آپریشن ضرب عضب آن زہمی مروک آ فاٹا نا عارضی وڑاٹ بے اُرا بندغ آتا بھس مروک آ ہند آتا معاوضہ غاتا ادائیگی نا چرجوئی برجاءِ ، داوخت اسکان 37 ہزار 314 ہند آتا معاوضہ غاتے اوفتا مالک آتے تننگانے۔ اوپارے کہ دافتیان 26ہزار 280 ہند آک پورو بھس مسوسر ہرافتا مالک آتے 4لکھ روپئی فی اُرا نا حساب اٹ 10 ارب 51کروڑ 20 لکھ روپئی معاوضہ تننگا وخت اس کہ جزوی وڑاٹ 11 ہزار 34 ہند آتا معاوضہ اسہ لکھ 60 ہزار روپئی فی اُرا نا حساب اٹ اسہ ارب 76کروڑ 54لکھ 40 ہزار روپئی اوفتا مالک آتے تننگانے۔ اوپارے کہ عارضی وڑاٹ بے اُرا مروک آ بندغ آتا پدی ہِننگ ناعمل آن پد بے اُرا بندغ آک ہند آتا دُوارہ جوڑ جاڑ نا کاریم نا بناءِ کرینو و پوسکن جوڑ جاڑ و بحالی نا ڈٹ آتیٹی زیات آن زیات بشخ ہلنگ ءُ۔
