مز ن وزیر شاہد خاقان عباسی باؤ فورم برائے ایشیا ءِ سالانہ دیوانءَ ھوار بوھگءِ ھاترءَ چینءِ ترءُ تابءَ کنت

بیجنگ۔3اپریل (اے پی پی) مزن وزیر شاہد خاقان عباسی باؤفورم برائے ایشیا ءِ سالانہ دیوانءَ ھوار بوھگءِ ھاترءَ چین ءِ ترءُ تابءَ کنت۔ اے دیوان 8تاں 11اپریل ءَ جنوبی چینءِ صوبہ ہینانءَ ’’ سرجمیں میاں اوستمانی وشھالی ءِ ھاترءَ یک پراھءُ شاھگانیں نوک ترزءِ ایشیاء‘‘ ءِ سرھال ءِ سرءَ بیت۔ چینی دری کارانی وزیر وانگ ژی ءَ سئے شمبے ءِ روچءَ تہی کارانی وزارت کارانی سرءَ شونشت ءِ وھدءَ ھال داتگ کہ مزن وزیر شاہد خاقان عباسی ءَ را اے دیوانءِ تہا ھوار بوھگءِ دعوت داتگ۔ ایشیءَ ابید آسٹریا ءِ صدر، فلپائن ءِ صدر ، منگولیا ءِ مزن وزیر، ہالینڈ ءِ مزن وزیر ، سنگاپورءِ مزن وزیر ، اقوام متحدہ ءِ سیکرٹری جنرل ءُ آئی ایم ایف ءِ منیجنگ ڈائریکٹر ھوار بنت۔ چینی دری کارانی وزیر ءَ ھال داتگ کہ صدر شی جن پنگ مزن وزیر لی کیانگ ءُ دگہ رھشون ھم اے سالانہ دیوانءَ ھوار بنت۔ آ دونیمگی کمک ، میاں اوستمانی حکمرانی ءِ درشنداب ، معیشت ءُ بیپاری ءِ سرءَ گپ ءُ تران کن اَنت۔ آئیءَ گشتگ کہ چینی صدر فورم ءِ تہا بنداتی ترانءَ کنت۔