کوئٹہ۔3اپریل (اے پی پی ) ملکءِ صدر ممنون حسین دو روچی ترءُ تابءَ سئے شمبے ءِ روچءَ کوئٹہ ءَ سربوتگ۔ کوئٹہ میاں اوستمانی بالی پڑ ءِ سرءَ بلوچستانءِ سروزیر میر عبدالقدوس بزنجو، وانگءُ زانگءِ صوبائی وزیر طاہر محمودخان ، تعمیراتءُ مواصلات ءِ صوبائی وزیر میر عاصم کرد گیلو، وردنءُ وراک ءِ صلہ کار میر ضیاء لانگو، انسپکٹر جنرل پولیس معظم جاہ انصاری ، ڈی آئی جی پولیس کوئٹہ عبدالرزاق چیمہ ءُ دگہ افسراں صدرءَ را وش اَتک کتگ۔ صدر ءِ سربوھگءَ کوئٹہ ءَ سکیورٹی ءِ ترندیں گامیگج کنگ بوتگ اَنت۔ صدر چارشمبے ءِ روچءَ سردار بہادر خان وویمن یونیورسٹی ءِ کانووکیشن ءِ مراگشءَ ھاسیں مہمان بیت۔
