قراقرم ہائی وے سی پیک ءِ بنیات اِنت، پاکستانی راج اے شاھوکاراں گوں بے مٹیں مہرءُ واھگ داریت
اسلام آباد۔3اپریل (اے پی پی) ملکءِ صدرءَ گشتگ کہ قراقرم ہائی وے پاک چین اقتصادی راہداری ءِ بنیات ءُ ایشی ءِ معمار اقتصادی راہداری ءِ جوڈ کنوک اَنت، پاکستانی راج ایشانی گوما بے مٹیں مہرءُ محبت کنت ۔ صدر ءَ اے گپ قراقرام شاہ دگ ءِ جوڈ کنگءِ وھدءَ وتی جان ندر کنوکیں کارکنوکانی ھانداناں گوں گپءُ تران کنانءَ کتگ کہ آھاں چین ءِ سفیر یاؤجینگ ءُ چین ءِ پیسرگیں سفیر ڑنگ چونڑنگ ءِ سروکی ءَ آھاں گوں گندءُ نند کتگ۔ اے موھءِ سرءَ قراقرم شاہ دگ ءِ جوڈ کنگءِ وھدءَ جان ندر کنوکیں انجینئر ءُ کارکنوکانی زکرءَ چہ درس ملور بوتگ اَنت ءُ ارسیگ بوتگ اَنت۔ صدرءَ گشتگ کہ دنیا پاک چین دوستی ءِ درورءَ دنت۔ آئیءَ گشتگ کہ دوھیں ملک خطہ ءِ جوانیءُ وشھالی ءِ ھاترءَ یک جا ھ کار کنگ ءَ اَنت، دوھیں ملک آؤکیں وھداں ھم ھمے وڈءَ یک جاھ میاں اوستمانی امنءُ ایمنی ، سلامتی ءُ وشھالی ءِ ھاترءَ کار کن اَنت۔ چین ءِ پیسرگیں سفیر ڑنگ چونڑنگ ءَ گشتگ کہ قراقرم ءِ جوڈ کنگ ءِ وھدءَ پاکستانی ءُ چینی کارکن یک جاھ وتی ھونءُ ھید ریتکگ اَنت کہ آھانی وش بو انگت تازہ اِنت۔
