’’ڈسکوز‘‘ لائن لاسز ءِ تہا کمی، بجلی ءِ واجبات ءِ وصولی ءَ را گہتر کنگءِ ھاترءَ گامگیج بہ کنت، کمیٹی
اسلام آباد۔3اپریل( اے پی پی) مزن وزیر شاہد خاقان عباسی ءِ پاورڈویژن ءَ را رمضان المبارک ءَ سھورءُ دبوج ءِ تہا لوڈ شیڈنگ نہ کنگءِ پرمان داتگ کہ انوگیں بجلی لوگانی دراھیں یونٹس فعال بہ بنت ءُ رمضان المبارک ءَ سھور ءُ دبوج ءِ تہا بجلی ءِ پھجارینگ ءِ تہا متھلی کنگ مہ بیت۔ آئیءَ اے گپ کابینہ کمیٹی برائے توانائی ءِ دیوان ءِ سروکی کنانءَ کتگ کہ سئے شمبے ءِ روچءَ مزن وزیر وزیر کارگسءَ بوتگ۔ دیوانءِ تہا بجلی ءِ وزیر سردار اویس احمد لغاری، ھزانگءُ محصولات ءِ صلہ کار مفتاح اسماعیل ءُ ھمگرنچیں وزارت ءُ محکمہ آنی سینئر حکام ھم ساڑی بوتگ اَنت۔ دیوانءِ تہا توانائی ءِ پڑ ءِ ھوالگءَ چارءُ بچار کنگ بوتگ۔ دیوانءِ تہا آؤکیں ماھانی تہا ھاس رمضان المبارک ءِ تہا لوڈ منیجمنٹ منصوبہ ءِ تپاسی کنگ بوتگ۔ بجلی ءِ پڑ ءَ اصلاحاتی ایجنڈا ءِ سرءَ چارءُ بچار کتگ ءُ کابینہ کمیٹی برائے توانائی ءَ جوانیں انسانی آسراتی ءِ ھاترءُ وزارت توانائی ءِ تہا بھرتی آنی عمل ءَ را راستیں وڈے ءَ کنگءِ ضلورت ءِ تخمینہ زوت سرجم کنگءِ ضلورتءِ سرءَ زورپِر داتگ تنکہ لوٹ ءِ ردءَ زوت بھرتی کنگ بہ بیت۔
