اسلام آباد۔3اپریل ( اے پی پی) بنجاھ ءِ چیردستی ءَ قبائلی علاقہ جات ءِ ادارکی بے لوگ بوتگیں لوگانی سروے جاری اِنت ، تاں انوں 85ہزار لوگانی سروے کنگ بوتگ، سرجم ءَ تباھ بوتگیں لوگانی ملام چار لکھ وھدے کہ کمو آماچ بوتگیں لوگانی ملام یک لکھ 60ہزار کلدار دیئگ بوھگءَ اِنت۔ فاٹا ءِ بحالی ءُ تعمیر نو ءِ منیجر ءَ سئے شمبے ءِ روچءَ ’’ اے پی پی ‘‘ ءَ گوں گپءُ تران کنانءَ گشتگ کہ آپریشن ضرب عضب ءِ آماچ بوتگیں ادارکی بے لوگ بوتگیں مردمانی لوگانی سروے ءِ عمل جاری اِنت تاں انوں 85ہزارءَ چہ گیش لوگانی سروے سرجم کنگ بوتگ۔ سروے ءِ عمل گوازوکیں سال دسمبرءَ جاری بیت۔ آئیءَ گشتگ کہ آپریشن ءِ تہا سرجم ءَ تباھ بوتگیں لوگانی ملام 4لکھ کلدار وھد ے کہ کمو آماچ بوتگیں لوگانی ملام یک لکھ 60ہزار کلدار دیئگ بوھگءَ اِنت۔ آئی ءَ گشتگ کہ بے لوگ مردماں تباھ بوتگیں لوگانی ملام دزگرگءَ پد وتی لوگاناں جوڈ کنگ بندات کتگ وھد ے کہ بازیں دمگاں بے لوگ بوتگیں مردماں وتی لوگ جوڈ کنگ سرجم کتگ۔
