اسلام آباد۔2اپریل (اے پی پی) ملکءِ صدر ممنون حسین ءِ نیشنل منیجمنٹ کورس ءِ باسکاں گوں تران کتگءُ گشتگ کہ راج جیڑھءُ جنجالانی دیمپانی کنگءِ ھاترءَ باز جوانیں کار کن اَنت، حکومت ءُ ھمگرنچیں ادارگانی کوشستاں چہ ناشرکاری ءَ را گرءُ دار کنگ بوتگ ۔ اُلس ءُ انتظامیہ ءِ نیامءَ دوری ءَ را ھلاس کنگ ءِ ھاترءَ المی اِنت کہ ادارگ وتی شکایت آنی درشانی ءَ ھمگرنچیں فورم ءِ سرءَ بہ کن اَنت اے وڈءَ جیڑھءُ جنجال وت ھلاس بنت۔ ملک ءِ صدر ءَ اے ھیالانی درشانی دوشمبے ءِ روچءَ 108می نیشنل منیجمنٹ کورس ءِ باسکاں گوں ایوان صدرءَ تران ءَ کتگ کہ ایشی ءِ تہا ریکٹر نیشنل سکول پبلک پالیسی عظمت علی رانجھا ءُ دگہ مزنیں حکا م ھوار بوتگ اَنت۔ ملک ءِ صدرءَ گشتگ کہ وھدے راج سکیں جاورھالاں گوں دوچار بنت آ گیش گشادءُ حساس بنت ءُ جیڑھ ءُ جنجالاں گوں دیمپانی کنگءَ گوں گیش گشاد بنت۔ آئیءَ گشتگ کہ جیڑھ ءُ جنجال اگاں گیشءُ گیوار کنگ مہ بنت گڈا اُلسءِ تہا تکانسری گیش بیت۔ یک جوانیں افسرءِ شریں اِش اِنت کہ اُلس ءِ جیڑھءُ جنجالاناں گرءُ دار کنگءِ ھاترءَ وتی رواج ءَ را گشاد کتگءُ سینیارٹی ءُ تجروبتاں چہ وتی جونیئر ءَ را سوج بدے اَنت تنکہ چیردستی کارگسانی تہا کارءِ وڈءُ پیم مٹ کنگ بہ بیت۔ صدرءَ گشتگ کہ اُلس اے گپءَ مار اَنت کہ بازیں ادارگ آنی تہا نزیکی ءِ کمی اِنت ءُ ملک ءَ را جیڑھ جنجالاں گرءُ دار کنگءِ ھاترءَ آ تک زمہ واری پیش نہ داشتگ کہ ایشی ءِ ضلورت نہ اِنت۔ اے موھءِ سرءَ ملک ءِ صدر ءَ کورس ءِ باسکانی جستانی پسو ھم داتگ کہ وھدے کہ عظمت علی رانجھا ءَ آئیءَ نیشنل سکول آف پبلک پالیسی ءِ یات گاری ءِ نشان پیش کتگ۔
