اسلام آباد۔2اپریل ( اے پی پی) بنجاھ ءِ چیردستی ءَ قبائلی علاقہ جات ءِ آپریشن ضرب عضب ءِ آماچ بوتگیں ادارکی بے لوگ بوتگیں مردمانی تی دمگاں واتری ءِ عمل 90درسد سرجم بوھگءَ پد ماہانہ بنیاتءَ کمک ءِ پھجارینگ ھلاس، تنا شمالی وزیرستان ءِ 14ہزار ھانداناں ماہانہ بنیاتءَ دوہازدہ کلدار پھجارینگ بوھگءَ اِنت۔ فاٹا سیکرٹریٹ ءِ تعمیر نو ءُ بحالی ءِ پروگرام منیجر جماد علی ءَ دوشمبے ءِ روچءَ اے پی پیءَ گوں ھاسیں گپءُ تران کتگءُ آئیءَ گشتگ کہ فاٹا ءِ آپریشن ضرب عضب ءَ چہ آماچ بوتگیں ادارکی بے لوگ بوتگیں مردمانی 90درسد واتریءِ عمل سرجم بوتگ۔ واتر بوتگیں ادارکی بے لوگ بوتگیں مردمانی وتی دمگاں واتری ءَ پد ماہانہ بنیاتءَ مالی کمک ءِ پھجارینگ ھلا س کنگ بوتگ۔ آئیءَ گشتگ کہ تنا شمالی وزیرستان ءِ 14ہزار ھانداناں ماہانہ بنیاتانی سرءَ 12ہزار کلدار پھجارینگ بوھگءَ اِنت۔ آئیءَ گشتگ کہ انچو کہ بے لوگیں مردم وتی دمگاں آبات بوھگءَ اَنت۔ آھانی ماہانہ بنیاتانی سرءَ کیش گرانٹ ءِ آسراتی ھلاس کنگ بوھگءَ اِنت۔
