اسلام آباد۔2اپریل (اے پی پی) ھالءُ اھیوال کارءُ شنگکاری ، راج دپترءُ لبزانکی ورثہ مریم اورنگزیب ءَ مقبوضہ کشمیر ءَ شہری آنی ناھک ءَ ھون ریزی کنگءَ بھارت آھانی وت واجہی ءِ آشوب ءَ ھلاس نہ کنت، بھارتی اُرد اں کشمیرءِ اُلسءِ جزم ءِ دیمءَ پروش وارتگ، پاکستان کشمیرءِ وت واجہیءِ ھکءِ پچ گرگءِ منوک اِنت ءُ سفارتی ھمراھ داری ھم کنت۔ وتی بیانءِ تہا ملکی وزیر مریم اورنگزیب ءَ گشتگ کہ کشمیری آنی ھون میاں اوستمانی ضمیرءِ ھاترءَ یک چیلنج اِت۔ کشمیر ی اے جستءَ کنگءَ اَنت کہ میاں اوستمان براتی بھارتی زُلمءُ ناھکی ءِ سرءَ ھاموش اَنت پرچہ۔ آئیءَ گشتگ کہ آجوئی ءِ تحریک کشمیری آنی ھوناں چہ روژناھ اِنت، آھانی قربانی ءَ حریتءِ یک نوکیں راج دتپرے جوڈ کتگ۔ آئیءَ گشتگ کہ کشمیری مات، گہارءُ زھگاں بے مٹیں قربانی داتگ ۔ آئیءَ گشتگ کہ اقوام متحدہ کشمیرءِ جیڑھءُ جنجال ءِ گیشءُ گیوار کنگءِ ھاترءَ وتی تپاک نامہ ءِ سرءَ عملدرآمد کنگءِ ھاترءَ گامگیج بہ کنت، کہ ایشی ءِ سرءَ آئی ءَ کشمیری آنی گوما سوگند کتگ۔
