میاں ا وستمانی براتی مقبوضہ کشمیر ءَ بنکی انسانی ھکانی ھلاپ ورزی آنی سرءَ گامگیج چست بہ کن اَنت
اسلام آباد۔2 اپریل (اے پی پی) سینیٹ ءِ چیئرمین محمد صادق سنجرانی ءَ بھارت ءِ نیمگءَ چہ گوستگیں روچءَ مقبوضہ کشمیرءِ تہا ناھکی ءَ را یر جتگ کہ ایشیءِ تہا 20مردم شہیدءُ 200ءَ چہ گیش ٹپیگ بوتگ اَنت اے وئیلءَ را سک باز ایر جتگ آئیءَ گشتگ کہ بھارت زارشانی کنوکیں کشمیری کہ آھانی تہا چکءُ ورناھ ھوار اَنت آھانی ھلاپءَ اپریشن کنگ ءَ اِنت کہ ایشیءِ تہاپیلٹ گن ھم کارمرز ھوار اِنت ءُ ایشیءَ ھوار دمگءِ تہا انٹرنیٹ سروس ھم مھتل کنگ بوتگ۔ اے زلمءُ ناھکی ءِ مول ءُ مراد معصومیں کشمیری آنی توار ءَ لگت مال کنگءُ آھانی توارءَ گٹ گر کنگ ءُ ھلاس کنگ اِنت۔ مدینہ منورہ سعودی عرب ءَ وتی ھاسیں کلوھ ءِ تہا سینٹ ءِ چیئرمین ءَ زور پِرداتگ کہ بھارتی اُردانی نیمگءَ چہ اے وڈیں لگوریں گامگیجاں چہ کشمیرءِ مردمانی ھوصلہ ھلاس نہ بنت بلکیں آھانی جزم ءَ را گیش رُدوم رسیت۔ سینیٹ چیئرمین ءَ مقبوضہ جموں ءُ کشمیر ءِ مردمانی گوما یکوئی ءِ درشانی کتگءُ میاں ا وستمانی براتی ءِ سرءَ زورپِرداتگ کہ آ مقبوضہ کشمیر ءَ بنی آدم ءِ ھکانی ھلاپ وزری ءِ سرءَ گامگیج چست بہ کنت کہ بازیں سالاں چہ جاری اے زُلمءُ ناھکی ءَ را دارگ ءِ ھاترءَ کردءَ پیلو بہ کنت۔ سینیٹ ءِ چیئرمین ءَ میاں اوستمانی براتی ءَ گوں لوٹ کتگ کہ آ جموں کشمیر ءِ جیڑھءَ را اقوام متحدہ ءِ تپاک نامہ ءُ کشمیری آنی واھشتانی ردءَ گیشءُ گیوار کنگءِ ھاترءَ وتی کردءَ پیلو بہ کنت۔ آئی ءَ گشتگ کہ پاکستان کشمیری آنی وت واجہی ءِ ھاترءَ پاکستانءِ اخلاقی، سیاسی ءُ سفارتی ھمراہ داری المءَ کنت۔
