پشاور۔ 01اپریل (اے پی پی) مریم نواز شریف پارینے کہ خیبر پختونخوا نا حکمرانک الس ءِ دروغ انا وعدہ غاتیان بیدس پین ہچ اس تتنو، سینیٹ اٹی وونٹ انا پرچی تون انتس کہ مس او آئین اتون سنگین ءُ مسخرہ اسے، ہراایجنڈا غا عمران خان و زرداری یکجا مسر، او الس نا ایجنڈا اف۔ داخیال آتا درشانی ءِ او یک شنبے نادے سوات اٹی جلسہ غان تران کرسا کرے۔ مسکوہی وزیراعظم محمد نواز شریف نا صاحبزادی مریم نواز نا پاننگ ئس کہ خیبر پختونخوا نا حکمرانک الس ءِ دروغ انا وعدہ غاتیان بیدس پین ہچ اس تتنو۔ ہراتم صوبہ ٹی جلاب و ڈینگی بس تو عمران خان ہمووخت آ وونٹ انا برخلاف سازش اٹی مہرہ جوڑ مرسا کاریم اٹ اتنگاکہ، تحریک انصاف والاک سوات اٹی روڈ جوڑ کننگ آن بیدس اسلام آبادنا روڈ آتے بند کریرہ۔
