لاہور/شیخوپورہ۔ 01اپریل (اے پی پی) بنجائی وزیر دفاعی پیداوار، سائنس و ٹیکنالوجی رانا تنویر حسین پارینے کہ پاکستان مسلم لیگ (ن) ملک انا غٹ آن بھلا سیاسی جماعت ءِ ، ملکی تاریخ اٹی اخس کہ شونداری نا کاریم ننا دور اٹی مس اونا مثال ہچ ءُ جاگہ اسے ٹی ملیپک، ملک و قوم انا خذمت و کاریم کروک آتے احتساب نا پن آ انتقام نا نشانہ جوڑ کننگ انگ ءِ، مسلم لیگ (ن) نا قائد محمد نواز شریف خندہ پیشانی اٹ تینا برخلاف مقدمہ غاتون مون تننگ ءِ و ہمو دے ہم مر اف ہراتم او تینا برخلاف غٹ دوبہ غاتیان سرخرومریک۔ اونا برخلاف کرپشن یا پین سنگین بے ضابطگی نا دوبہ ا س اف بلکن اونا برخلاف مقدمہ غاک مفروضہ غا جوڑ کننگانو وخت اس کہ اوفتا برعکس آئین پاکستان ءِ پرغنگ و غداری نا سنگین مقدمہ غاتے ٹی درکار مسکوہی ڈکٹیٹر ءِ نئے کسس اریفک و نئے اودے پاکستان آ اتنگ کن پرمان جاری مس ، اوناجوڑی نا آڑاٹی پیشن نا ملک مزہ ہلنگ ءِ۔ داخیال آتا درشانی ءِ او ونڈالہ دیال شاہ ٹی ورکرز کنونشن، درگاہی گل قدیم اٹی سوئی گیس فراوانی، امامیہ کالونی ٹی یوتھ کنونشن ، بھگیاڑنوالہ ٹی لنک روڈ و درگاہی گل قدیم اٹی سوئی گیس فراوانی ڈٹ انا بنائی دود آتیان تران و میڈیا تون ہیت و گپ کرسا کرے۔
