اسلام آباد۔ 01اپریل (اے پی پی) پاکستان مقبوضہ کشمیر اٹی بھارتی کوزہ گر فوج انا کنڈآن واک انا وحشیانہ کاریم اٹ اتنگ نا سخت مذمت ءِ کرینے ہراٹی 11 کودک کشمیری شہید مسنو، یک شنبے نادے دفترخارجہ نا کنڈآن جاری مذمتی بیان اٹی پاکستان پارے کہ بھارتی کوزہ گر فوج انا کنڈآن بے پرخ واک انا کاریم اٹ اتنگ آن شوپیاں و انت ناگ انا علاقہ غاتے ٹی کم از کم 11 کودک ورناشہید مسنو وخت اس کہ داہم احوال آک اریر کہ وحشیانہ کریک ڈاؤن جاری ءِ و مظاہرین خاص کر چناو زالبول آتیا پیلٹ گن ءِ کاریم اٹ اتنگ انگ ءِ۔ انٹرنیٹ سروس ءِ بند کننگانے ۔ دا کودک کشمیری تے سرنگوں کننگ و توننگ نا اسہ پین کوشست اسے۔ ترجمان پارے کہ داگام گیج آن بھارتی چہرہ اسہ وار ولدا بے نقاب مسنے۔ بھارتی ریاستی بیدادی نا غیر انسانی و بدنما چہرہ مون آ بسنے ۔ ترجمان پارے کہ پاکستان وا ر وار توار چست کننگ ءِ کہ بھارت نا کنڈآن دُن انگا گام گیج آک دانستہ و منظم وڑاٹ کشمیری تا عزم ءِ پرغنگ نا کوشست ءِ ولے دُن انگا بدنما کارروائی تا باوجود کشمیری الس نا عزم ءِ شکست تننگ تنے۔
