پشاور۔ 01اپریل (اے پی پی) مسکوہی وزیراعظم و مسلم لیگ (ن) نا قائد محمد نواز شریف پارینے کہ پی ٹی آئی چیئرمین عمران خان 5سال اٹی خیبر پختونخواٹی تو ہچ اس کتنے ولے تینا اے ٹی ایم مشین جہانگیر ترین نا دولت ءِ چٹفینے، عمران خان آف شور کمپنی ءِ منا ولے اودے کشنگ تو، نواز شریف نا برخلاف اسہ روپئی سے نا ہم کرپشن ثابت متو ولے مار آن پنداوڑی ہلپننگ آ اودے کشنگا۔ نواز شریف نا پاننگ ئس کہ عمران خان نا سیاست آ افسوز مریک انتئے کہ او 5سال ءِ دھرنہ، دوبہ و دروغ تڑنگ اٹ گدریفے، عمران خان تو دانا ہم قابل اف کہ او اسہ ضلع سے آن گچین کاری تے کٹے ، اگہ او حکومت جوڑ کریکہ تو خبر اف کہ پاکستان نا انت حال مسکہ۔ داخیال آتا درشانی ءِ او سوات اٹی مسلم لیگ (ن) نا لس جلسہ غان تران کرسا کرے۔
