ڈیرہ غازی خان ۔ 31 مارچ (اے پی پی)مزن وزیر شاہد خاقان عباسی ءَ گوشت کہ پاکستان ءِ سرپدیں راج گچینکاری ءَ مسلم لیگ ن ءِ گوما ھوار بنت، ملکءِ تہ اُودا ھم دیمروئی ءِ کار بوت انت آہانی کریڈٹ مسلم لیگ (ن) ءِ گور انت۔اُلسی یکوئی ءَ گوں ملک ءَ دیمروئی ممکن انت، امیت انت کہ راج جولائی ءِ تہ گہتر پیسلہ کن انت ءُُ جوڈ جاڑی ءُُ دیمروئی ءِ اے سفر جاڑی بیت،زاں دیوکاں چہ ھیر ءِ امیت نیست ات،مئے دور ءَ گیس ءِ ہچ کنکشن سیاسی بنیات ءَ دیگ بنوتگ انت،ووٹ بہا ءَ گپت ءُُ چیئرمین سینیٹ جوڈ بیوکاں را کجاھم سرپدیں راج نہ من ایت۔اگہ اے برائی نیست ات تو گڈا راج ءِ ضمیر ءُُ ووٹانی سودا کنوکیں راج ءِ نماھندگ بنت۔آں ہپتگ ءَ ادا ڈیرہ غازی خان ءِ تہ نادرن بائی پاس ءُُ رکھی گج بیواٹہ سیکشن ون ءِ دو منصوبگ آنی بنگیجی ءِ موہ ءَ مراگش ءِ گوما گوشتانک دیگ ات۔اے موہ ءَ بنجاہی وزیراں حافظ عبدالکریم، اویس احمد خان لغار ی وھدیکہ ارشد لغاری، ماروی میمن، جعفر خان لغاری، ملک ابرار، ڈپٹی سپیکر پنجاب اسمبلی شیر علی گورچانی ءِ ھوار دگہ ھم ساڑی اتنت۔مزن وزیر ءَ گوشت کہ ڈیرہ غازی خان اتک باز وشی بوتگ، 20 سالءَ پد ادا اتگوں،شمے مسلم لیگ نون ءُُ نواز شریف ءِ گوما مھر ءُُ مھبت دیستگ سرجمیں یقین انت کہ جولائی ءِ گچینکاری ءَ یک رندے پدا مسلم لیگ نون سوبمند بیت چہ ایشی ءِ شمارا پجی ءَ جہد کنگی انت۔ مسلم لیگ (ن) ءُُ نواز شریف ءِ کار شمے دیما انت، ڈی جی خان بائی پاسءِ ھواردو دگانی منصوبگ 18 ارب کلدار ءِ انت،ایشی ءِ ابید دگ،سکولءُُ کالج جوڈ بوھگ انت،اے کارءَ گوستگیں حکومت ھم کت کنگ ات،وسیلگ یک وڈ انت ،شما پاکستان ءِ کجاھم جاء بروایت اُودا کار مسلم لیگ نون ءَ کتگ انت۔ردتریں محالف ھم اے گپ ءَ منگ انت۔
